ເສດຖະກິດ ເອີໂຣໂຊນ ຂະຫຍາຍຕົວ ເພີ່ມຂຶ້ນ

ອ້າງຕາມຂ່າວສານຫວຽດນາມ, ຕາມຕົວເລກປະກາດເມື່ອວັນທີ 21 ກຸມພາວ່າ: ເສດຖະກິດໃນພາກພື້ນໃຊ້ສະກຸນເງິນຮ່ວມເອີຣົບ (ເອີໂຣໂຊນ) ໄດ້ຂະຫຍາຕົວຈາກລະດັບ 50,8 ຂຶ້ນເປັນ 52,3 ຈຸດ ໃນເດືອນກຸມພາຜ່ານມາ. ນີ້ຖືເປັນຕົວເລກສູງສຸດໃນຮອບ 9 ເດືອນຜ່ານມາ. ຫລັງຈາກຫລຸດລົງຢ່າງຫລວງຫລາຍ ເນື່ອງຈາກສະຖານະການຕ້ອງໂສ້ການສະໜອງ, ການລະບາດຂອງພະຍາດໂຄວິດ-19 ແລະ ວິກິດການ ລະຫວ່າງຣັດເຊຍ-ອູແກຣນ. ດ້ວຍອັດຕາເງິນເຟີ້ຍັງສືບຕໍ່ເພີ່ມສູງຂຶ້ນ. ປັດຈຸບັນ, ອັດຕາເງິນເຟີ້ໃນເຂດເອີໂຣໂຊນມີທ່າອຽງຫລຸດລົງຈາກການທີ່ຈີນ ກັບມາເປີດເສດຖະກິດ, ສົ່ງຜົນໃຫ້ເສດຖະກິດ ໃນເອີຣົບ ກັບຄືນມາເຕີບໂຕອີກຄັ້ງ.