ຊາວໂຊຊຽວມີເດຍ ຍອມຈ່າຍຫຼື ບໍ? ເມື່ອເຟສບຸ໊ກ ( Facebook) ແລະ ໄອຈີ ( Instagram ) ຈະເປີດບໍລິການເກັບຄ່າຢືນຢັນຕົວຕົນ ( Meta Verified ) ເພື່ອແລກກັບເຄື່ອງໝາຍຖືກສີຟ້າ ເພື່ອເພີ່ມຄວາມໜ້າເຊື່ອຖືໃຫ້ບັນຊີດ້ວຍຍອດ reach, engagement.
ທ່ານ ມາກ ຊັກເກີເບີກ ຜູ້ບໍລິຫານບໍລິສັດເມຕາ ( META ) ຜູ້ໃຫ້ບໍລິການແພຼັດຟອມ ເຟສບຸ໊ກ ແລະ ອິນສະຕາແກຣມ ໄດ້ອະທິບາຍເຖິງການຂໍຮັບສັນຍາລັກເຄື່ອງໝາຍຖືກສີຟ້າ ວ່າເປັນການປັບປຸງເພື່ອຄວາມປອດໄພ ແລະ ຄວາມຖືກຕ້ອງເທິງແອັບໂຊຊຽວມີເດຍ ໂດຍການຈ່າຍຄ່າສະມາຊິກ ເພື່ອຢືນຢັນຕົວຕົນ ຈະເປີດໃຫ້ບໍລິການສະເພາະບັນຊີຜູ້ໃຊ້ງານທີ່ເປັນບຸກຄົນທົ່ວໄປກ່ອນ, ສ່ວນຄ່າບໍລິການລາຍເດືອນສຳລັບຜູ້ໃຊ້ແອນດຣອຍ ແລະ ໜ້າເວັບໄຊ ຢູ່ທີ່ 11,99 ໂດລາສະຫະລັດ, ສຳລັບຜູ້ໃຊ້ iOS ຈະເກັບຄ່າບໍລິການ 14,99 ໂດລາສະຫະລັດ, ສ່ວນການຈ່າຍຄ່າສະມາຊິກ ເພື່ອຢືນຢັນຕົວຕົນ ( Meta Verified ) ຈະເລີ່ມໃຫ້ບໍລິການຢູ່ປະເທດອົດສະຕຣາລີ ແລະ ນິວຊີແລນກ່ອນ, ຫຼັງຈາກນັ້ນ ຈະຂະຫຍາຍໄປຍັງປະເທດຕ່າງໆທົ່ວໂລກ.
ລາຍງານລະບຸວ່າ, ຜູ້ທີ່ສະໝັກບໍລິການ Verified Account ນອກຈາກຈະໄດ້ຮັບເຄື່ອງໝາຍຖືກສີຟ້າ ແລະ ໄດ້ຮັບຄວາມໜ້າເຊື່ອຖືແລ້ວ ຍັງຈະໄດ້ຮັບການເພີ່ມຍອດ reach, engagement ໃນບາງຈຸດ (,) ໄດ້ຮັບ Exclusive Sicker ສຳລັບໃຊ້ເທິງ Reels, ໄດ້ຮັບ 100 Stars ສຳລັບມອບໃຫ້ເພຈ ຫຼື ຄີເອເຕີ ໃນລະບົບເຟສບຸ້ກໄດ້ອີກດ້ວຍ.
