ປີ 2023 IMF ຄາດຄະເນເສດຖະກິດອາຊີ ເພີ່ມຂຶ້ນ 4,7%

ຂ່າວສານຫວຽດນາມລາຍງານວ່າ: ວັນທີ 20 ກຸມພາ ຜ່ານມາ, ກອງທຶນເງິນຕາສາກົນ (IMF) ໄດ້ເຜີຍແຜ່ບົດລາຍງານເພີ່ມເຕີມກ່ຽວກັບການຄາດຄະເນເສດຖະກິດຂອງພາກພື້ນອາຊີ – ປາຊີຟິກ. ໃນປີ 2023, ການເຕີບໂຕຄາດຄະເນຈະບັນລຸ 4,7%, ເມື່ອທຽບໃສ່ປີ 2022 ແມ່ນ 3,8%. ໃນນັ້ນ, ຈີນ ແລະ ອິນເດຍ ໄດ້ປະກອບສ່ວນເຄິ່ງໜຶ່ງເຂົ້າໃນການເຕີບໂຕຂອງອາຊີ. ເຫດຜົນແມ່ນຍ້ອນສະຖານະການທາງດ້ານການເງິນຂອງໂລກ ມີການປ່ຽນແປງໄປໃນທິດທາງບວກ, ລາຄາອາຫານ ແລະ ນໍ້າມັນຫຼຸດລົງ ແລະ ເສດຖະກິດຂອງຈີນ ກັບມາມີການເຕີບໂຕອີກເທື່ອໜຶ່ງ.