ຕາມຂ່າວຈາກວິທະຍຸສາກົນຫວຽດນາມອາຊຽນ ຈະຈັດກິດຈະກຳການຊື້-ຂາຍອອນໄລພາກພື້ນອາຊີຕາເວັນອອກສ່ຽງໃຕ້ ຄັ້ງທຳອິດເພື່ອຊຸກຍູ້ການຄ້າຂ້າມຊາຍແດນ ໂດຍຜ່ານການຄ້າເອເລັກໂຕຣນິກ ຊຶ່ງຈະຈັດຂຶ້ນໃນວັນທີ 8 ສິງຫານີ້ ໂດຍຈະແນະນຳຜະລິດຕະພັນດີທີ່ສຸດຂອງອາຊຽນ ດວ້ຍລາຄາບຸລິມາສິດພິເສດ. ສຳລັບການຄ້າເອເລັກໂຕຣນິກອາຊຽນ ບັນລຸໄດ້ລະດັບການເຕີບໂຕຢ່າງໄວວາໃນ 2-3 ປີ ຜ່ານມາຍ້ອນມີຄວາມແຜ່ຫລາຍຂອງສື່ສັງຄົມອອນໄລ ແລະ ການນຳໃຊ້ມືຖືອັດສະລິຍະທົ່ວໄປ. ຕາມການຄົ້ນຄວ້າ ຂອງ Google ພື້ນຖານເສດຖະກິດ internet ຂອງອາຊີຕາເວັນອອກສ່ຽງໃຕ້ອາດລື່ນກາຍລະດັບ 240 ຕື້ໂດລາສະຫະລັດ ໃນປີ 2025.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
