ໃນຕອນເຊົ້າຂອງວັນທີ 15 ກຸມພາ 2023 ນີ້ຢູ່ທີ່ສະໂມສອນຂອງ ເມືອງໃໝ່ ແຂວງ ຜົ້ງສາລີ ໄດ້ຈັດໃຫ້ມີກອງປະຊຸມວຽກງານການເມືອງແນວຄິດທົ່ວເມືອງ ຄັ້ງທີ I ຂຶ້ນຢ່າງເປັນທາງການໂດຍພາຍໃຕ້ການເປັນປະທານຂອງສະຫາຍ ສອນສະໜຸກສີສຸລາດ ເລຂາພັກເມືອງ ເຈົ້າເມືອງ-ເມືອງໃໝ່,ມີບັນດາ ສະຫາຍ ກຳມະການປະຈຳພັກເມືອງ,ກຳມະການພັກເມືອງ,ຫົວໜ້າ-ຮອງຫົວໜ້າຫ້ອງການ,ນາຍ ແລະ ພົນທະຫານ,ນາຍ ແລະ ພົນຕຳຫຼວດ,ເລຂາພັກກຸ່ມບ້ານ,ເລຂາພັກນາຍບ້ານເຂົ້າຮວ່ມທັງໝົດ 63 ສະຫາຍ,ຍິງ 16 ສະຫາຍ.
ໃນກອງປະຊຸມ ສະຫາຍ ບຸນ ສູນວິເລີດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງໄດ້ຂຶ້ນເຜີຍແຜ່ເຊື່ອມຊຶມວຽກງານການເມືອງແນວຄິດທົ່ວແຂວງ ຄັ້ງທີ II ແລະ ສະຫາຍ ສົມປານ ຈັນທະລາ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ສະເໜີບົດສະຫຼຸບຕີລາຄາການຈັດຕັ້ງປະຕິບັດວຽກງານການເມືອງແນວຄິດໄລຍະແຕ່ປີ2003-2022 ແລະ ເພີ້ມທະວີການນຳພາຊີ້ນຳວຽກງານການເມືອງແນວຄິດໃນໄລຍະໃໝ່.ເຊີ່ງໃນຊຸມປີຜ່ານມາສະພາບແວດລ້ອມສາກົນ ແລະ ພາກພື້ນໄດ້ຜັນແປຢ່າງສະຫຼັບຊັບຊ້ອນ,ໂດຍສະເພາະການຂັດແຍ່ງທາງດ້ານການເມືອງ,ເສດຖະກິດ,ການທະຫານ ລະຫວ່າງປະເທດມະຫາອຳນາດ,ຊຶ່ງໄດ້ກາຍເປັນສິ່ງທ້າທາຍຕໍ່ສັນຕິພາບ ແລະ ຄວາມໝັ້ນຄົງຂອງໂລກ,ການປ່ຽນແປງດິນຟ້າອາກາດຢ່າງໄວວາ ເກີດໄພພິບັດທາງທຳມະຊາດ ແລະ ການແຜ່ລະບາດຂອງພະຍາດຕ່າງໆໂດຍສະເພາະແມ່ນການແຜ່ລະບາດຂອງພະຍາດໂຄວິດ-19 ເຊິ່ງໄດ້ສົ່ງຜົນກະທົບໂດຍທາງກົງ ແລະ ທາງອອ້ມຕໍ່ປະເທດເຮົາເວົ້າລວມ,ເວົ້າສະເພາະກໍ່ຄືເມືອງໃໝ່ຂອງພວກເຮົາ ແລະ ໄດ້ສົ່ງຜົນກະທົບຕໍ່ການນຳພາຂອງພັກ ແລະ ການຄຸ້ມຄອງຂອງລັດຢູ່ແຕ່ລະຂັ້ນ,ສົ່ງຜົນກະທົບຕໍ່ການດຳລົງຊີວິດຂອງພະນັກງານ,ສະມາຊິກພັກ,ນັກຮົບ ແລະ ປະຊາຊົນບັນດາເຜົ່າ,ທັງກະທົບເຖິງແນວຄິດຈິດໃຈ ແລະ ການເຄື່ອນໄຫວປະຕິບັດໜ້າທີ່,ການປະກອບອາຊີບແຕ່ພາຍໃຕ້ການນຳພາອັນຖືກຕ້ອງຂອງພັກ ແລະ ການຄຸ້ມຄອງຂອງລັດເວົ້າລວມ,ເວົ້າສະເພາະກໍ່ຍ້ອນການຊີ້ນຳ-ນຳພາຂອງອົງການປົກຄອງເມືອງຂອງພວກເຮົາໄດ້ເຮັດໃຫ້ເມືອງໃໝ່ພວກເຮົາມີສະຖຽນລະພາບທາງດ້ານການເມືອງຢ່າງໜັກແໜ້ນ,ສັງຄົມມີຄວາມສະຫງົບ ແລະ ຄວາມເປັນລະບຽບຮຍບຮ້ອຍໂດຍພື້ນຖານ;ແລະ ການທຳມາຫາກິນ,ການປະກອບອາຊີບຂອງປະຊາຊົນບັນດາເຜົ່າ,ເສດຖະກິດ-ສັງຄົມໄດ້ຮັບການພັດທະນາດີຂຶ້ນເປັນກ້າວໆ.ນອກນີ້ກອງປະຊຸມຍັງໄດ້ມີຄຳຖາມເຈາະຈີ້ມ ສະພາບແນວຄິດ ແລະ ວິທີແກ້ໄຂແຕ່ລະວຽກງານ ແລະ ໄດ້ມີການປະກອບຄຳຄິດຄຳເຫັນຢ່າງກົງໄປກົງມາດ້ວຍບັນຍາກາດອັນຟົດຟື້ນ.
ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຈາກ ສະຫາຍ ສອນສະໜຸກ ສີສຸລາດ ເຊິ່ງກ່ອນອື່ນ ສະຫາຍ ກໍ່ໄດ້ສະແດງຄວາມຍ້ອງຍໍຊົມເຊີຍຕີລາຄາສູງຕໍ່ຄະນະພັກແຕ່ລະຂັ້ນທີ່ໄດ້ເອົາໃຈໃສ່ຊີ້ນໍາໆພາການຈັດຕັ້ງປະຕິບັດບັນດາແນວຄິດໃນໄລຍະຜ່ານມາ ເຊິ່ງໄດ້ໃຫ້ຄວາມພະຍາຍາມສ້າງການຫັນປ່ຽນໃໝ່ນອກນັ້ນສະຫາຍຍັງໄດ້ຮຽກຮ້ອງຖືເອົາວຽກງານການເມືອງແນວຄິດ ວຽກງານຂອງພັກເຮົາໃນໄລຍະໃໝ່ພ້ອມທັງຍົກໃຫ້ເຫັນຄວາມຈໍາເປັນທີ່ຈະຕ້ອງໄດ້ເພີ່ມທະວີການນໍາພາຂອງພັກຕໍ່ວຽກງານການເມືອງແນວຄິດໃຫ້ມີການຫັນປ່ຽນໄປສູ່ຄຸນະພາບໃໝ່ໃນສະເພາະໜ້າ ແລະຍາວນານ ກອງປະຊຸມໄດ້ດຳເນີນໄປເປັນເວລາ 1 ວັນເຕັມ ແລະ ໄດ້ອັດລົງດ້ວຍຜົນສຳເລັດ.
#ນັກຂ່າວ : ເມືອງໃໝ່ລາຍງານ
