ຕາມຂ່າວຈາກວິທະຍຸສາກົນຫວຽດນາມ ວັນທີ 13 ກຸມພານີ້ ຢູ່ນະຄອນຫລວງຈາກາຕາ ຂອງອິນໂດເນເຊຍ, ທ່ານ Kao Kim Hourn, ເລຂາທິການໃຫຍ່ອາຊຽນເປີດເຜີຍວ່າ: ອົງການພາກພື້ນນີ້ພວມມຸ້ງໜ້າໄປສູ່ການເປີດກ້ວາງ “ຂໍ້ລິເລີ່ມປະຕູດຽວ” ກັບຍີ່ປຸ່ນ ໂດຍສະເພາະການເພີ່ມທະວີການຄ້າສອງສົ້ນໃນປີນີ້. ຫລັງຈາກຈັດກອງປະຊຸມ ກ່ຽວກັບການພົວພັນອາຊຽນ-ຍີ່ປຸ່ນ. ນອກຈາກການປະຕິບັດສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP), ອາຊຽນປາດຖະໜາວ່າ: ຈະສາມາດເປີດກ້ວາງກົນໄກປະຕູດຽວອາຊຽນ (ASW) ກັບຍີ່ປຸ່ນ ເພື່ອສ້າງຄວາມສະດວກໃຫ້ການຄ້າໃນສະພາບປົກກະຕິໃໝ່ ຫລາຍກວ່າເກົ່າ. ໃນວັນດຽວກັນ ຍີ່ປຸ່ນປະກາດ ແຜນການຮ່ວມມືໜູນຊ່ວຍບໍາລຸງສ້າງພະນັກງານໜຸ່ມ ຢູ່ບັນດາປະເທດອາຊຽນ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
