ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນຜ່ານມາ, ອົງການສະຖິຕິຂອງ ສະຫະພາບ ເອີຣົບ (Eurostat) ໄດ້ປະກາດຂໍ້ມູນເບື້ອງຕົ້ນ ຊຶ່ງສະແດງໃຫ້ເຫັນວ່າ: ອັດຕາໄພເງິນເຟີ້ຂອງ ເຂດນຳໃຊ້ສະກຸນເງິນ ເອີໂຣ (ເອີໂຣໂຊນ) ໄດ້ຫຼຸດລົງ 3 ເດືອນລຽນຕິດ, ລົງເຫຼືອພຽງ 8,5% ໃນເດືອນມັງກອນ ປີ 2022. ລະດັບໄພເງິນເຟີ້ດັ່ງກ່າວຕ່ຳກວ່າ ລະດັບ 9,2% ຂອງເດືອນທັນວາ ປີ 2022 ແລະ ຕ່ຳກວ່າລະດັບຄາດຄະເນແມ່ນ 9% ໂດຍສຳນັກຂ່າວ ຣອຍເຕີ (Reuters) ຍົກອອກມາ. ອັດຕາໄພເງິນເຟີ້ຫຼຸດລົງ ຍ້ອນລາຄາພະລັງງານຫຼຸດລົງໃນເດືອນຜ່ານມາ, ເພີ່ມຂຶ້ນພຽງແຕ່ 17,2% ຕ່ຳກວ່າເມື່ອທຽບໃສ່ກັບລະດັບ 25,5% ຂອງເດືອນທັນວາ ປີ 2022.
ໄພເງິນເຟີ້ຂອງ ເອີໂຣໂຊນ ພວມຫຼຸດລົງຢ່າງແຂງແຮງ ພາຍຫຼັງຢັ້ງຢືນລະດັບເພີ່ມຂຶ້ນບັນລຸສະຖິຕິແມ່ນ 10,6% ໃນເດືອນຕຸລາ ປີ 2022, ຫຼຸດລົງ 5 ເທົ່າເມື່ອທຽບໃສ່ກັບລະດັບໄພເງິນເຟີ້ໂດຍທະນາຄານສູນກາງ ເອີຣົບ (ECB) ໄດ້ຄາດຄະເນໄວ້.
