ໃນບັນຍາກາດຕ້ອນຮັບລະດູບານໄໝ່, ທົ່ວພັກ, ທົ່ວກອງທັບ ແລະ ທົ່ວປວງຊົນຫວຽດນາມ ມີຄວາມເບີກບານມ່ວນຊື່ນກັບການສະເຫຼີມສະຫຼອງວັນສ້າງຕັ້ງພັກກອມມູນິດຫວຽດນາມ ຄົບຮອບ 93 ປີ (3/2/1930-3/2/2023), ພັກຂອງຊົນຊັ້ນກໍາມະກອນ, ປະຊາຊົນຜູ້ອອກແຮງງານ ແລະ ຂອງທົ່ວຊົນຊາດຫວຽດນາມ. ມີຄວາມພາກພູມໃຈຕໍ່ພັກທີ່ມີກຽດສະຫງ່າ ທີ່ນໍາພາປະຊາຊົນຫວຽດນາມ ຜ່ານຜ່າຄວາມຫຍຸ້ງຍາກ, ລໍາບາກ, ກ້າວເດີນຕາມເສັ້ນທາງເອກະລາດ, ເອກະລາດ ແລະ ພັດທະນາ, ຫວຽດນາມ ມີຄວາມເຊື່ອໝັ້ນເປັນຈິດໜຶ່ງໃຈດຽວ, ປົກປ້ອງ ແລະ ກໍ່ສ້າງພັກ ໃຫ້ນັບມື້ປອດໃສ, ເຂັ້ມແຂງຮອບດ້ານ.
ມະຕິກອງປະຊຸມໃຫຍ່ ຄັ້ງທີ XIII ຂອງພັກກອມມູນິດຫວຽດນາມ ໄດ້ຢືນຢັນວ່າ; “ຢຶດໝັ້ນ ແລະ ໝູນໃຊ້, ພັດທະນາລັດທິມາກ-ເລນິນ, ແນວຄິດໂຮ່ຈິມິນ ຢ່າງມີຫົວຄິດປະດິດສ້າງ, ຢຶດໝັ້ນເປົ້າໝາຍເອກະລາດແຫ່ງຊາດ ແລະ ລັດທິສັງຄົມນິຍົມ, ຢຶດໝັ້ນແນວທາງປ່ຽນແປງໃໝ່ຂອງພັກ, ຢືດໝັ້ນບັນດາຫຼັກການກໍ່ສ້າງພັກ ເພື່ອສ້າງສາ ແລະ ປົກປັກຮັກສາປະເທດຊາດຫວຽດນາມ ສັງຄົມນິຍົມ.
ມະຕິລະບຸໄວ້ວ່າ: “ກຳລັງໜູນ ແລະ ແຫຼ່ງກຳລັງໜູນພັດທະນາທີ່ສຳຄັນຂອງປະເທດແມ່ນປຸກລະດົມຈິດໃຈຮັກຊາດ, ເຈດຈຳນົງສ້າງຊາດໃຫ້ເຂັ້ມແຂງດ້ວຍຕົນເອງ, ກຳລັງແຮງມະຫາສາມັກຄີທົ່ວປວງຊົນທັງຊາດ ແລະ ຄວາມຄາດຫວັງພັດທະນາປະເທດໃຫ້ຈະເລີນຮຸ່ງເຮືອງສີວິໄລ, ຜາສຸກ. ສິ່ງນີ້ແມ່ນເໝາະສົມກັບຄວາມຄາດຫວັງຂອງ ຫງວຽນອາຍກວັກ (ປະທານໂຮ່ຈິມິນ). ໃນຕະຫຼອດຊີວິດ, ເພິ່ນ ໄດ້ກ່າວຫຼາຍເທື່ອ ແລະ ທຸກການກະທຳກໍ່ເພື່ອປະຕິບັດຄວາມຄາດຫວັງນີ້ໃຫ້ປະກົດຜົນເປັນຈິງ.
ນັບແຕ່ຄາວຍັງນ້ອຍ, ໄດ້ເຫັນປະເທດຖືກກົດຂີ່ຂູດຮີດ, ທຸກຍາກລຳບາກ, ຫງວຽນເຕີດແທັ່ງ (ໂຮ່ຈິມິນ) ໄດ້ມີຄວາມປາຖະໜາຢາກໄປຊອກຫາເສັ້ນທາງກູ້ຊາດ, ນຳພາປະຊາຊົນຫວຽດນາມ ມີເອກະລາດ. ຜ່ານໄລຍະເວລາ 30 ປີ ໃນການເດີນທາງໄປຊອກຫາເສັ້ນທາງກູ້ຊາດ ທີ່ລຳບາກຢູ່ຕ່າງປະເທດ, ດຳລົງຊີວິດ ແລະ ເຄື່ອນໄຫວປະຕິວັດຢູ່ 28 ປະເທດໃນໂລກ, ເພິ່ນ ຍາມໃດກໍ່ຢຶດໝັ້ນຕໍ່ຄວາມເຊື່ອໝັ້ນ ແລະຄວາມຄາດຫວັງ; “ນໍາເອົາເອກະລາດມາໃຫ້ພໍ່ແມ່ປະຊາຊົນຕົນ, ເອົາເອກະລາດມາໃຫ້ປະເທດຊາດຕົນ”, ນັ້ນແມ່ນທຸກສິ່ງທຸກຢ່າງທີ່ ຂ້າພະເຈົ້າ ຕ້ອງການ, ນັ້ນແມ່ນທຸກສິ່ງທີ່ຂ້າພະເຈົ້າເຂົ້າໃຈ. ນັ້ນແມ່ນການພິສູດໃຫ້້ເຫັນຢ່າງຈະແຈ້ງທີ່ສຸດກ່ຽວກັບແນວຄິດ, ເຈດຈຳນົງເປັນເຈົ້າຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ຄວາມຄາດຫວັງອັນໃຫຍ່ຫຼວງ, ມີວິໄສທັດຍຸກສະໄໝຂອງການເປັນຜູ້ນຳຄື ທ່ານປະທານ ໂຮ່ຈິມິນ.
ໃນຕະຫຼອດໄລນະການເຄື່ອນໄຫວຢູ່ຕ່າງປະເທດ, ການເຊື່ອມຕົວເຂົ້າກັບກະແສຟອງຂອງການປະຕິວັດໂລກ, ເຂົ້າເຖິງແນວຄິດທີ່ກ້າວໜ້າ, ເພິ່ນ ໄດ້ຍົກສູງຄວາມຮັບຮູ້ກ່ຽວກັບລັດທິລ່າເມືອງຂຶ້ນ, ພວກຈັກກະພັດ ແລະ ກາຍເປັນນັກກອມມູນິດທີ່ແທ້ຈິງ, ຕັ້ງໜ້າເຄື່ອນໄຫວໃຫ້ແກ່ການພັດທະນາຂອງການປະຕິວັດໂລກເວົ້າລວມ ແລະ ການປະຕິວັດ ຫວຽດນາມ ເວົ້າສະເພາະ. ພາຍຫຼັງອ່ານ “ຮ່າງໂຄງການການເມືອງກ່ຽວກັບບັນຫາຊົນຊາດ ແລະ ບັນຫາລ່າເມືອງຂຶ້ນ” ຂອງເລນິນ ເທື່ອທຳອິດ, ເພິ່ນ ໄດ້ປ່ອນບັດຮັບຮອງສາກົນ III, ກາຍເປັນໜຶ່ງໃນບັນດາຜູ້ທີ່ກໍ່ຕັ້ງພັກກອມມູນິດຝຣັ່ງ ແລະ ແມ່ນນັກກອມມູນິດຄົນຫວຽດນາມ ຜູ້ທຳອິດ. ນີ້ແມ່ນຂີດໝາຍທີ່ສຳຄັນໃນພາລະກິດປະຕິວັດຂອງເພິ່ນ. ຈາກນັ້ນ, ແນວຄິດປົດປ່ອຍຊາດຕາມເສັ້ນທາງປະຕິວັດກຳມະຊີບໄດ້ເລີ່ມຂຶ້ນ. ເພິ່ນ ກຳນົດໄວ້ວ່າ: ຢາກມີເອກະລາດ, ເສລີພາບ ບັນດາຊາດທີ່ຖືກກົດຂີ່ຂູດຮີດບໍ່ອາດນັ່ງລໍຖ້າ, ຍິ່ງໄປກວ່ານັ້ນບໍ່ຄອງຄອຍການ “ໂມທະນາ” ຂອງພວກຈັກກະພັດ, ພວກລ່າເມືອງຂຶ້ນ. ຢາກມີຊີວິດທີ່ອີ່ມໜຳສຳລານ, ມີຄວາມຜາສຸກຢ່າງແທ້ຈິງນັ້ນ ບັນຫາຕັດສິນທຳອິດ ແມ່ນຕ້ອງຍາດໄດ້ເອກະລາດ, ເສລີພາບ. “ຢາກກູ້ຊາດ ແລະ ປົດປ່ອຍຊາດ ແມ່ນບໍ່ມີເສັ້ນທາງອື່ນ, ນອກຈາກເສັ້ນທາງປະຕິວັດກຳມະຊີບ. ເພິ່ນ ໄດ້ສ້າງຕັ້ງພັກກອມມູນິດ, ກຳລັງນຳພາຂະບວນການປະຕິວັດຫວຽດນາມ, ຫັນຄວາມຄາດຫວັງ, ຄວາມປາຖະໜາກ່ຽວກັບປະເທດເອກະລາດ, ເສລີພາບໃຫ້ປະກົດຜົນເປັນແທ້ຈິງເທື່ອກ້າວ.
ປີ 1941, ເພິ່ນ ໄດ້ກັບເມືອປະເທດນຳພາການປະຕິວັດຫວຽດນາມ. ພາຍໃນເວລາ 5 ປີ (1941-1945), ເພິ່ນ ໄດ້ນໍາພາປະຊາຊົນຫວຽດນາມ ຜ່ານຜ່າຄວາມຫຍຸ້ງຍາກລຳບາກ, ໄປສູ່ໄຊຊະນະອັນສະຫງ່າອົງອາດ ຊຶ່ງເປັນຂີດໝາຍຮຸ່ງເຮືອງເຫຼືອງເຫຼື້ອມ ແມ່ນການປະຕິວັດເດືອນສິງຫາ ປີ 1945. ເພິ່ນ ໄດ້ວາງແນວທາງການສ້າງຕັ້ງອັນຍິ່ງໃຫຍ່ຕໍ່ປະຫວັດສາດຫວຽດນາມ 3 ປັດໃຈສໍາຄັນຄື: ສ້າງຕັ້ງສຳພັນທະມິດຫວຽດນາມ ເອກະລາດ (ເອີ້ນຫຍໍ້ວ່າ ແນວໂຮມຫວຽດມິງ) ໃນປີ 1941, ສ້າງຕັ້ງກອງທະຫານໂຄສະນາປົດປ່ອຍຫວຽດນາມ (ຕົ້ນກຳເນີດຂອງກອງທັບປະຊາຊົນຫວຽດນາມ) ໃນປີ 1944 ແລະ ສ້າງຕັ້ງປະເທດ ສາທາລະນະລັດ ປະຊາທິປະໄຕ ຫວຽດນາມ ໃນປີ 1945. ນີ້ແມ່ນພື້ນຖານ ເພື່ອປະຕິບັດຄວາມຄາດຫວັງກ່ຽວກັບປະເທດເອກະລາດ, ວັດທະນາຖາວອນ ແລະ ຜາສຸກ.
ປະເທດ ສາທາລະນະລັດ ປະຊາທິປະໄຕ ຫວຽດນາມ ໄດ້ຮັບການສ້າງຕັ້ງ, ປະທານ ໂຮ່ຈິມິນ ປາຖະໜາຢາກສ້າງສາປະເທດຊາດໃຫ້ຮັ່ງມີເຂັ້ມແຂງ, ນຳເອົາເສລີພາບ, ຄວາມອີ່ມໜຳສຳລານ, ຄວາມຜາສຸກມາໃຫ້ປະຊາຊົນ. ເພິ່ນ ເວົ້າວ່າ; “ຖ້າວ່າປະເທດມີເອກະລາດ ແຕ່ປະຊາຊົນບໍ່ໄດ້ຊົມໃຊ້ຄວາມຜາສຸກ, ເສລີພາບ, ເອກະລາດ ກໍບໍ່ມີຄວາມໝາຍຫຍັງ”. ເພິ່ນ ໄດ້ວາງໜ້າທີ່ຮີບດ່ວນຂອງອຳນາດການປົກຄອງໃນເວລານັ້ນ ແມ່ນຕໍ່ສູ້ໄພອຶດຫິວ, ຕໍ່ຕ້ານຄວາມໂງ່ຈ້າຫຼ້າຫຼັງ ແລະ ພວກສັດຕູຮຸກຮານຈາກພາຍນອກ. ຍ້ອນມີການແກ້ໄຂສອງບັນຫາສຳຄັນ: ຟື້ນຟູ ແລະ ພັດທະນາກຳລັງແຮງພາຍໃນປະເທດ; ການທູດມີໄຫວພິບຫຼີກລ້ຽງອັນຕະລາຍຂອງພວກສັດຕູຮຸກຮານຈາກພາຍນອກ, ແກ່ຍາວເວລາກະກຽມໃຫ້ແກ່ການຕໍ່ສູ້ກູ້ຊາດ. ຄວາມຄາດຫວັງນີ້ ໄດ້ປະຕິບັດໂດຍມີບັນດາລັດຖະນະໂຍບາຍ, ການຊີ້ນຳລະອຽດ, ເໝາະສົມ, ປະດິດສ້າງ ແລະ ຂ້ຽວຂາດຂອງພັກ ແລະ ປະທານໂຮ່ຈິມິນ.
ກ່ອນຈະເສຍຊີວິດ, ໃນ “ພິໄນກໍາ” ເພິ່ນ ຍົກອອກໃຫ້ເຫັນຄວາມຕ້ອງການສຸດທ້າຍ, ແມ່ນຄວາມຄາດຫວັງ; “ທົ່ວພັກ, ທົ່ວປວງຊົນທັງຊາດສາມັກຄີກັນສູ້ຊົນ, ສ້າງສາປະເທດຫວຽດນາມ ສັນຕິພາບ, ເອກະພາບ, ເອກະລາດ, ປະຊາທິປະໄຕ ແລະ ຮັ່ງມີເຂັ້ມແຂງ, ປະກອບສ່ວນເຂົ້າໃນພາລະກິດປະຕິວັດໂລກ. ບັນດາແນວຄິດ, ຄວາມຄາດຫວັງຂອງ ປະທານ ໂຮ່ຈິມິນ ກ່ຽວກັບຫວຽດນາມ ເຂັ້ມແຂງແຮງກ້າ ທົ່ວພັກ, ທົ່ວປວງຊົນທັງຊາດ ໄດ້ສືບຕໍ່ປະຕິບັດໃນກິດຈະການສ້າງສາປະເທດ ຕາມເສັ້ນທາງສັງຄົມນິຍົມ, ກິດຈະການປ່ຽນແປງໃໝ່, ພັດທະນາປະເທດ 35 ກວ່າປີຜ່ານມາ ແລະ ໃນໄລຍະທາງຕໍ່ໄປ. ໝາກຜົນ, ຜົນງານໄດ້ນຳມາຊຶ່ງ “ຄວາມສຳຄັນທີ່ສຸດ, ຮອບດ້ານພໍສົມຄວນ, ສ້າງໄດ້ຫຼາຍຂີດໝາຍພົ້ນເດັ່ນ”.ເອກະສານກອງປະຊຸມໃຫຍ່ ຄັ້ງທີ XIII ຂອງພັກ ໄດ້ຢັ້ງຢືນ: “ປະເທດຫວຽດນາມ ຍັງບໍ່ເຄີຍມີພາລະກິດທີ່ໃຫຍ່ຫຼວງ, ກຳລັງຄວາມສາມາດບົ່ມຊ້ອນ, ອິດທິພົນຊື່ສຽງ ແລະ ທີ່ຕັ້ງບົດບາດສາກົນ ຄືແບບນີ້ມາກ່ອນ”. ກໍ່ສ້າງພື້ນຖານເສດຖະກິດໃຫ້ໝັ້ນຄົງເຂັ້ມແຂງກໍ່ແມ່ນບາດກ້າວສຳຄັນເພື່ອປະຕິບັດຄວາມຄາດຫວັງປະເທດວັດທະນາຖາວອນ, ຜາສຸກຕາມແນວຄິດໂຮ່ຈິມິນ ໃຫ້ປະກົດຜົນເປັນຈິງ.
