ຂ່າວສານຊີອາໄອລາຍງານ ເມື່ອຕົ້ນເດືອນກຸມພາຜ່ານມາ, ຄະນະກຳມະການໂອແລັມປິກສາກົນໄດ້ພິມບົດຄວາມ ໂດຍໄດ້ຕີລາຄາຕໍ່ຜົນສຳເລັດ ແລະ ອິດທິພົນຂອງງານກິລາໂອແລັມລະດູໜາວປັກກິ່ງ.
ບົດຄວາມລະບຸວ່າ: ງານກິລາໂອແລັມປິກລະດູໜາວປັກກິ່ງໄດ້ສິ້ນສຸດລົງເກືອບໜຶ່ງປີແລ້ວ. ປັດຈຸບັນ, ສະໜາມກິລາທັງໝົດຂອງງານກິລາໂອແລັມປິກລະດູໜາວປັກກິ່ງລ້ວນແຕ່ເປີດໃຫ້ປະຊາຊົນທ້ອງຖິ່ນ ແລະ ນັກກິລານຳໃຊ້, ອຸດສາຫະກຳກິລາລະດູໜາວຂອງຈີນໄດ້ເຕີບໃຫຍ່ຂະຫຍາຍຕົວ, ງານກິລາໂອແລັມປິກລະດູໜາວປັກກິ່ງໄດ້ດຶງດູດປະຊາຊົນຈີນເກືອບ 346 ລ້ານຄົນເຂົ້າຮ່ວມກິລາລະດູໜາວ ຊຶ່ງໄດ້ສ້າງປະສິດທິຜົນທາງສັງຄົມ ແລະ ເສດຖະກິດຢ່າງຕໍ່ເນື່ອງ, ກວ້າງຂວາງໃຫ້ແກ່ປະຊາຊົນຈີນ.
ນອກຈາກນີ້, ງານກິລາໂອແລັມປິກລະດູໜາວປັກກິ່ງຍັງໄດ້ສ້າງມໍລະດົກສຳຄັນໃນດ້ານຄວາມສະ ເໝີພາບກັນລະຫວ່າງຍິງ-ຊາຍ. ນັກກິລາ 2.834 ຄົນ ທີ່ເຂົ້າຮ່ວມງານກິລາຄັ້ງນີ້ ກວມ 45,4% ແມ່ນນັກກິລາເພດຍິງ ຊຶ່ງແມ່ນອັດຕາສ່ວນສູງສຸດໃນປະຫວັດສາດງານກິລາໂອແລັມປິກລະດູໜາວ. ຈຳນວນລາຍການແຂ່ງຂັນກິລາເພດຍິງໃນງານກິລາໂອແລັມປິກລະດູໜາວປັກກິ່ງໄດ້ສ້າງສະຖິຕິສູງສຸດໃນປະຫວັດສາດເຊັ່ນດຽວກັນ ຄືມີເຖິງ 46 ລາຍການ.
