ລາ ລີກາ (La Liga) ມີຍອດໃຊ້ຈ່າຍໃນຕະຫຼາດລະດູໜາວໃນປີນີ້ໜ້ອຍສຸດນັບຕັ້ງແຕ່ປີ 2017 ຍົກເວັ້ນປີທີ່ມີການລະບາດຂອງເຊື້ອໂຄວິດ-19.
“ Diario As ” ລາຍງານເມື່ອວັນພຸດທີ່ຜ່ານມາວ່າ ຕະຫຼາດລະດູໜາວຂອງ La Liga ປີນີ້ ໄດ້ປິດລົງຢ່າງງຽບເຫງົາ ແລະ ກາຍເປັນປີທີ່ມີການລົງທຶນໜ້ອຍສຸດໃນ 6 ລະດູການ ຫາກບໍ່ນັບລວມປີທີ່ເກີດການແຜ່ລະບາດຄັ້ງໃຫຍ່.
ຕະຫຼາດລະດູໜາວປີນີ້ຂອງ ລາ ລີກາ ແມ່ນຂ້ອນຂ້າງງຽບ ຫຼັງ 2 ສະໂມສອນຍິ່ງໃຫຍ່ຢ່າງ ບາເຊໂລນາ ແລະ ຣີວ ມາດຣິດ ບໍ່ເຊັນກັບນັກເຕະໃໝ່ແມ່ນແຕ່ຄົນດຽວ ໂດຍສະເພາະ ທີມ ບາເຊໂລນາ ທີ່ປະເຊີນກັບບັນຫາກ່ຽວກັບ ກົດຍຸຕິທໍາທາງການເງິນ ຈົນບໍ່ສາມາດລົງທຶນໃນຕະຫຼາດໄດ້ຕາມທີ່ຄາດໄວ້ ໃນຂະນະທີ່ທີມຣິວ ມາດຣິດ ວາງແຜນທີ່ຈະໃຊ້ເງິນເສີມທີມໃນໄລຍະລະດູຮ້ອນ.
ໂດຍລວມແລ້ວ La Liga ໃຊ້ຈ່າຍເງິນໄປພຽງແຕ່ 37,6 ລ້ານເອີໂຣເທົ່ານັ້ນ ໃນຂະນະທີ່ລີກປະເທດແອັດສະປາຍ ກໍໃຊ້ເງິນ 78,4 ລ້ານເອີໂຣໃນລະດູການ 2020-2021 ເຊິ່ງເປັນປີທີ່ໂຣກລະບາດ ແຕ່ເປັນການໃຊ້ຈ່າຍຂອງສະໂມສອນ ລາ ລີກາ ພຽງ 20 ລ້ານເອີໂຣ ໂດຍເປັນການໃຊ້ຈ່າຍຕໍ່າສຸດ ນັບຕັ້ງແຕ່ປີ 2017 (27,7 ລ້ານເອີໂຣ).
ເອສປັນຢອນ ເປັນສະໂມສອນທີ່ໃຊ້ຈ່າຍຫຼາຍສຸດໃນຕະຫຼາດຊື້-ຂາຍລະດູໜາວປີນີ້ ດ້ວຍມູນຄ່າ 13 ລ້ານເອີໂຣ ຕາມມາດ້ວຍ ຣາໂຢ ບາເຢກາໂນ 8 ລ້ານເອີໂຣ ແລະ ຣິວ ເບຕິສ 7 ລ້ານເອີໂຣ ໂດຍຄ່າໃຊ້ຈ່າຍສ່ວນໃຫຍ່ຂອງທີມ ຣາໂຢ ບາເຢກາໂນ ເປັນການເຊັນສັນຍາກັບ ເຊຊ່າ ມອນເດສ ກອງຫຼັງທີມຊາດເມັກຊິກທີ່ຍ້າຍມາຈາກ ມອນເຕເຣ ດ້ວຍຄ່າຕົວເບື້ອງຕົ້ນ 8 ລ້ານເອີໂຣ ບວກກັບ 3 ລ້ານເອີໂຣໃນໂບນັດເພີ່ມເຕີມ.
ໃນຂະນະທີ່ການໃຊ້ຈ່າຍເງິນຂອງ La Liga ໃນຕະຫຼາດລະດູໜາວນີ້ແມ່ນໜ້ອຍສຸດໃນຮອບ 6 ປີ ແຕ່ ເຊວຊີ ສະໂມສອນດຽວ ໃຊ້ເງິນລວມກັນ 326 ລ້ານເອີໂຣ ສໍາລັບການເຊັນສັນຍາກັບນັກເຕະໃໝ່ ຫຼາຍກວ່າ 4 ລີກໃຫຍ່ຂອງເອີຣົບດ້ວຍຊໍ້າ.
