ສຳນັກຂ່າວຊິນຮວາຂອງ ສປ ຈີນ, ສຳນັກຂ່າວ Interfax-Ukraine ອ້າງອິງການຄາດການຈາກກະຊວງເສດຖະກິດ ຂອງປະເທດ ລະບຸວ່າ: ອູແກຣນ ຈະເກັບກ່ຽວທັນຍາພືດໄດ້ປະມານ 49.5 ລ້ານຕັນ ໃນປີ 2023 ຈະຊ່ວຍໃຫ້ອູແກຣນ ຕອບສະໜອງຄວາມຕ້ອງການທັນຍາພືດໃນປະເທດຢ່າງເຕັມຮູບແບບ. ປັດຈຸບັນຍັງບໍ່ມີຄວາມຈຳເປັນໃນການຈຳກັດ ການສົ່ງອອກສິນຄ້າກະສິກຳຈາກປະເທດ ແຕ່ຢ່າງໃດ.
ຂະນະທີ່ຊາວກະສິກອນອູແກຣນ ເກັບກ່ຽວທັນຍາພືດ ແລະ ພືດຕະກູນຖົ່ວ ລວມທັງໝົດ 52,6 ລ້ານໂຕນ ໃນປີ 2022 ຈາກພື້ນທີ່ປູກຝັງ 96% ເມືອນັບມາຮອດທ້າຍເດືອນມັງກອນ ທີ່ຜ່ານມາ.ອູແກຣນ ເປັນປະເທດທີ່ຜະລິດແປ້ງສາລີ, ສາລີ ແລະ ນ້ຳມັນດອກຕາເວັນແຫ່ງໃຫຍ່ຂອງໂລກ ມາເປັນເວລາຫລາຍປີແລ້ວ.ໂດຍຜົນຜະລິດທັນຍາພືດຂອງປະເທດ ໃນປີ 2021 ບັນລຸເຖິງ 84 ລ້ານໂຕນ ເພີ່ມຂຶ້ນ 28,5% ເມື່ອທຽບໃສ່ຕໍ່ປີ ແລະ ສົ່ງອອກທັນຍາພືດປະມານ 26,3 ລ້ານໂຕນ ໃນປີ2022 ຫລຸດລົງ 30,8% ຈາກປີ2021.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
