ຣັດເຊຍ ຜະລິດນໍ້າມັນ ເພີ່ມຂຶ້ນ 2%

ສຳນັກຂ່າວຊິນຮວາຂອງ ສປ ຈີນ, ເມື່ອບໍ່ດົນມານີ້ ທຳນຽບເຄຣມລິນ ໂດຍອ້າງອິງຕາມຖະແຫລງຂ່າວ ຂອງ ທ່ານ ວາລາດີເມຍ ປູຕິນ ປະທານາທິບໍດີ ຣັດເຊຍ ໄດ້ລະບຸວ່າ: ໃນປີ 2022 ຣັດເຊຍ ຜະລິດນໍ້າມັນບັນລຸ 535 ລ້ານໂຕນ, ເພີ່ມຂຶ້ນ 2% ເມື່ອທຽບໃສ່ໄລຍະຜ່ານມາ. ສ່ວນການຜະລິດອາຍແກັສທຳມະຊາດຫລຸດລົງ 11,8% ເນື່ອງຈາກກຸ່ມບັນດາປະເທດຕາເວັນຕົກ ໄດ້ຂວ້າມບາດຕໍ່ຣັດເຊຍ ສົ່ງຜົນໃຫ້ລາຄາອາຍແກັສທົ່ວໂລກໄດ້ເພີ່ມຂຶ້ນ ແລະ ຍັງເຮັດໃຫ້ຜູ້ຜະລິດ ແລະ ຜູ້ສົ່ງອອກອາຍແກັສ ຂອງຣັດເຊຍ ກວມເອົາອັດຕາສ່ວນລາຍໄດ້ໃນສົກງົບປະມານ ຂອງລັດຖະບານກາງເພີ່ມສູງຂຶ້ນ.