ໃນວັນທີ 19 ມັງກອນ 2023 ນິ້. ກອງພົນທີ 2 ໄດ້ປິດການແຂ່ງຂັນກິລາມວນ ແລະ ກິລາການທະຫານ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ ຢູ່ທີ່ເດີ່ນກິລາບານເຕະຂອງກອງພົນ ໂດຍການເຂົ້າຮ່ວມເປັນປະທານຂອງສະຫາຍ ພັນເອກ ຄຳດີ ໄຊຍະວົງ ຫົວໜ້າການທະຫານກອງພົນທີ 2 ມີຄະນະພັກ-ຄະນະບັນຊາອົງການ, ກົມກອງ ຕະຫລອດຮອດພະນັກງານ-ນັກຮົບ ແລະ ນັກກິລາເຂົ້າຮ່ວມ.
ສະຫາຍພັນຕີ ສົມລົດ ວິລະວົງ ຫົວໜ້າພະແນກອົບຮົມ ຫ້ອງເສນາທິການ ກອງພົນທີ 2 ໄດ້ຂື້ນຜ່ານບົດສະຫລຸບຕີລາຄາການເຄື່ອນໄຫວຈັດຕັ້ງປະຕິບັດໃນການແຂ່ງຂັນກິລາ ໃນທົ່ວກອງພົນທີ 2 ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 74 ເຊີ່ງໃນນັ້ນກໍ່ຍົກໃຫ້ເຫັນຂໍ້ສະດວກ ຂໍ້ຫຍຸ້ງຍາກ ດ້ານດີ ດ້ານອ່ອນ ແລະ ບາງບົດຮຽນທີ່ຖອດຖອນໄດ້ ການຈັດຕັ້ງແຂ່ງຂັນກິລາໃນຄັ້ງນິ້ໄດ້ຮັບການອໍານວຍຄວາມສະດວກ ແລະ ຊີ້ນໍາຢ່າງໃກ້ຊິດຕິດແທດ ຈາກຄະນະພັກ-ຄະນະບັນຊາກອງພົນ ກໍ່ຄືຫ້ອງເສນາທິການກອງພົນທີ 2 ແລະ ດໍາເນີນການແຂ່ງຂັນດ້ວຍຄວາມຮັບຜິດຊອບສູງ ພ້ອມດຽວກັນນິ້ບັນດາສະຫາຍກໍາມະການ ແລະ ນັກກິລາແຕ່ລະທີມກໍ່ໄດ້ປະຕິບັດຖືກຕ້ອງຕາມກະຕິກາໃນການແຂ່ງຂັນ ຮູ້ອະໄພໃຫ້ເຊີ່ງກັນ ແລະ ກັນ ເຊີ່ງໄດ້ດໍາເນີນໄປດ້ວຍບັນຍາກາດອັນຄຶກຄືນມ່ວນຊື່ນ. ຜ່ານໄລຍະຂອງການແຂ່ງຂັນຜົນໄດ້ຮັບລະອຽດດັ່ງນີ້: ກິລາບານເຕະ ທີ 1 ກອງພັນ 627 , ທີ 2 ອົງການກອງພົນ, ທີ 3 ກອງພັນ 614. ບານສົ່ງໜຸ່ມ ທີ 1 ກອງພັນ 409, ທີ 2 ຫ້ອງເສນາທິິການ, ທີ 3 ກອງພັນ 222. ບານສົ່ງອາວຸໂສ ທີ 1 ກອງພັນ 224, ທີ 2 ຫ້ອງການພະລາທິການ, ທີ 3 ຫ້ອງການເມືອງ. ບານສົ່ງຍິງ ທີ 1 ສຳນັກງານກອງພົນ, ທີ 2 ກອງພັນ 224, ທີ 3 ຫ້ອງການເມືອງ. ກະຕໍ້ຫວາຍ ທີ 1 ກອງພັນ 627, ທີ 2 ກອງພັນ 629, ທີ 3 ກອງພັນ 222
. ເປຕັງໜຸ່ມ ທີ 1 ກອງພັນ 222. ທີ 2 ສູນຝືກອົບຮົມ, ທີ 3 ກອງພັນ 409. ເປຕັງອາວຸໂສ ທີ 1 ກອງພັນ 224, ທີ 2 ຫ້ອງເຕັກນິກ, ທີ 3 ຫ້ອງເສນາທິການ. ເປຕັງຍິງ ທີ 1 ຄ 24, ທີ 2 ກອງພັນ 224, ທີ 3 ຫ້ອງການເມືອງ. ຜົນຂອງການແຂ່ງຂັນກິລາການທະຫານ ຜົນໄດ້ຮັບລະອຽດຄື: ກິລານັກຮົບແຂງແຮງ ທີ 1 ກອງພັນ 629, ທີ 2 ສູນຝືກອົບຮົມ, ທີ 3 ກອງພັນ 409, ກິລາແລ່ນມ້າງປະກອບອາວຸດປືນ AK 100ແມັດ, ທີ 1 ກອງພັນ 409, ທີ 2 ກອງພັນ 409, ທີ 3 ກອງພັນ 409
ໂອກາດນີ້ ຄະນະພັກ-ຄະນະບັນຊາກອງພົນ ກໍ່ໄດ້ພັດປ່ຽນກັນຂື້ນມອບລາງວັນແຕ່ລະປະເພດກິລາ ຕາມລໍາດັບ ແລະ ຕອນທ້າຍ ສະຫາຍ ພັນເອກ ສອນເພັດ ຈັນສົມ ຫົວໜ້າຫ້ອງເສນາທິການກອງພົນ ໄດ້ກ່າວປິດການແຂ່ງຂັນກິລາມວນຊົນ ແລະ ກິລາການທະຫານຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ ພ້ອມທັງມີຄຳເຫັນໂອ້ລົມຕໍ່ບັນດາສະຫາຍນັກິລາແຕ່ລະທີມຕື່ມອີກ
ໂດຍ: ສຸວັນໂນ ທະລັງສີ
