ຕາມຂ່າວຈາກ mcot.net ໜ່ວຍງານ ຄົ້ນຄວ້າສາກົນເປີດເຜີຍວ່າ: ແຜ່ນນ້ຳກ້ອນເກືອບເຄິ່ງໜຶ່ງຂອງໂລກ ຈະລະລາຍພາຍໃນ ປີ 2100 ເຖິງວ່າທົ່ວໂລກຈະຮັກສາການເພີ່ມຂຶ້ນຂອງອຸນຫະພູມ ສະເລ່ຍບໍ່ໃຫ້ເກີນ1,5 ອົງສາເຊ ອີງຕາມການຄິດໄລ່ ທາງຄອມພິວເຕີ ຂອງແຜ່ນນ້ຳກ້ອນຫລາຍກວ່າ 210.000 ແຫ່ງທົ່ວໂລກທີ່ໄດ້ລະລາຍພາຍໃຕ້ລະດັບຄວາມຮ້ອນຂອງໂລກ ທີ່ແຕກຕ່າງກັນ ພົບວ່າແຜ່ນນ້ຳກ້ອນ 49% ຈະລະລາຍ ໃນປີ 2100, ເຖິງແມ່ນວ່າທົ່ວໂລກຈະຮັກສາການເພີ່ມຂຶ້ນ ຂອງອຸນຫະພູມ ສະເລ່ຍບໍ່ໃຫ້ກາຍ 1,5 ອົງສາເຊ ແລະ ໃນກໍລະນີຮ້າຍແຮງທີ່ສຸດ ຫາກໂລກມີອຸນຫະພູມ ອຸ່ນຂຶ້ນ 4 ອົງສາເຊ, ແຜ່ນນ້ຳກ້ອນ 83% ຈະລະລາຍ ແລະ ເຮັດໃຫ້ລະດັບນ້ຳທະເລສູງຂຶ້ນອີກປະມານ 15 ຊັງຕີແມັດ./.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
