ອີງຕາມຂ່າວ (VOVWORLD) ຂອງຫວຽດນາມ: ຕະຫລອດປີ 2022 ມີເຫດການຕ່າງໆຢູ່ຕ່າງປະເທດດັ່ງນີ້:
1.ໂລກເປີດປະຕູສູ່ພາຍນອກພາຍຫລັງ ຄວບຄຸມ ໂຄວິດ-19 ໄດ້: ເລີ່ມແຕ່ເດືອນມີນາຜ່ານມາ ໂລກໄດ້ປ່ຽນແປງ ຍຸດທະສາດ ຮັບມືກັບ ພະຍາດລະບາດ ໂຄວິດ-19, ເກືອບທົ່ວໂລກຄ່ອຍໆ ປັບໂຕເຂົ້າກັບສະພາບດໍາລົງຊີວິດເປັນປົກກະຕິ ແບບໃໝ່ (New Normal) ພ້ອມທັງ ເປີດປະຕູສູ່ຊາຍແດນ, ຟື້ນຟູການແລກປ່ຽນ ການຄ້າ ແລະ ອື່ນໆ ເພື່ອກັບສູ່ ທ່ວງທ່າ ການພັດທະນາເສດຖະກິດຄືນໃໝ່ ພາຍຫລັງທີ່ຊຸດໂຊມລົງ ເນື່ອງຈາກບັນດາມາດຕະການຈຳກັດ ເພື່ອປ້ອງກັນການແພ່ລະບາດຢ່າງເຂັ້ມງວດ ເປັນເວລາ 2 ປີ . ເຖິງຢ່າງໃດກໍ່ຕາມ ສ.ອາເມລິກາ, ບັນດາປະເທດໃນເອີຣົບ ແລະ ຍີ່ປຸ່ນ ທີ່ເປັນເສົາຄໍ້າ ເສດຖະກິດໂລກລ້ວນແຕ່ຕົກຢູ່ໃນວິກິດການໄພເງິນເຟີ້ດ້ວຍອັດຕາສູງແບບບໍ່ເຄີຍມີມາກ່ອນ.
