ໃນວັນທີ 2 ພະຈິກ 2022, ທ່ານ ບຸນທັນ ບຸນທະວິໄລ ຮອງຫົວໜ້າອົງ ການໄອຍະການປະຊາຊົນສູງສຸດ(ອອປສ) ໄດ້ລົງເຄື່ອນໄຫວຕິດຕາມ, ກວດກາ ແລະ ຊຸກຍູ້ ວຽກງານຕິດຕາມກວດກາ ການດໍາເນີນຄະດີອາຍາ ແລະ ວຽກງານຕິດຕາມກວດກາ ຄ້າຍ ຄຸມຂັງ-ດັດສ້າງ ທີ່ອົງການໄອຍະການປະຊາຊົນນະຄອນຫລວງວຽງຈັນ, ມີບັນດາ, ຄະນະນໍາ ອົງການໄອຍະການປະຊາຊົນນະຄອນຫລວງ ພ້ອມດ້ວຍພະນັກງານ ອົງການໄອຍະການປະ ຊາຊົນນະຄອນຫລວງ ເຂົ້າຮ່ວມ.
ໃນໂອກາດດັ່ງກ່າວ, ທ່ານ ໂນສະຫວັນ ສີຫາລາດ ຮອງຫົວໜ້າອົງການໄອຍະການ ປະຊາຊົນນະຄອນຫລວງ ໄດ້ລາຍງານໃຫ້ຮູ້ວ່າ: ອົງການໄອຍະການປະຊາຊົນ ນະຄອນ ຫລວງວຽງຈັນ ໄດ້ຖືເອົາການຕິດຕາມກວດ ກາການດໍາ ເນີນຄະດີຂອງອົງການສືບສວນ-ສອບສວນເປັນໜ້າທີ່ອັນຕົ້ນຕໍ ເພື່ອແນໃສ່ການດໍາເນີນຄະດີໃຫ້ມີຄວາມ ຖືກຕ້ອງຕາມກົດ ໝາຍ ໂດຍສະເພາະໃນປັດຈຸບັນໄດ້ເອົາໃຈໃສ່ເປັນພິເສດ ແມ່ນຄະດີຢາເສບຕິດ. ດັ່ງນັ້ນ ຈຶ່ງ ເຫັນໄດ້ວ່າ 9 ເດືອນຜ່ານມາ, ການດໍາເນີນຄະດີຂອງອົງການສືບສວນ-ສອບສວນ ມີຖ່ວງ ທ່າດີຂຶ້ນ ເປັນຕົ້ນການນໍາໃຊ້ບັນດາມາດຕະການສະກັດກັ້ນ, ການນໍາໃຊ້ວິທີການສືບສວນ-ສອບສວນ, ການປະກອບຂໍ້ມູນຫລັກຖານ ແລະ ການສະຫລຸບຜົນຂອງການສືບສວນ-ສອບ ສວນຖືກຕ້ອງ ແລະ ທັນກັບເວລາຕາມທີ່ກົດໝາຍກໍານົດໄວ້; ໄດ້ເອົາໃຈໃສ່ຕິດຕາມ ກວດ ກາການປະຕິບັດກົດໝາຍຂອງອົງການສືບສວນ-ສອບສວນ ເປັນຕົ້ນ ໄດ້ຄົ້ນຄວ້າບົດລາຍ ງານການສະເໜີ ນໍາໃຊ້ບັນດາມາດຕະການສະກັດກັ້ນ ແລະ ການອອກຄໍາສັ່ງຕ່າງໆ ເຊັ່ນ: ອອກຄໍາສັ່ງຈັບຕົວ, ອອກຄໍາສັ່ງກັກຂັງພາງ, ອອກຄໍາສັ່ງກວດຄົ້ນ, ອອກຄໍາສັ່ງຕໍ່ກໍານົດເວລາ ການສືບສວນ-ສອບສວນ ແລະ ຕໍ່ກໍານົດເວລາການກັກຂັງພາງ ຕາມການສະເໜີຂອງເຈົ້າ ໜ້າທີ່ ຊຶ່ງໄດ້ເຮັດໃຫ້ການດໍາເນີນຄະດີ ຖືກຕ້ອງຕາມຂັ້ນຕອນຂອງກົດໝາຍ ຈໍານວນ 3.982 ສະບັບ.
ການຈັດຕັ້ງປະຕິບັດວຽກງານຕິດຕາມ ກວດກາ ຄ້າຍຄຸມຂັງ-ດັດສ້າງ ໄດ້ແຕ່ງຕັ້ງ ພະນັກງານໄອຍະການ ລົງປະຈໍາຄ້າຍຄຸມຂັງ ທີ່ນະຄອນຫລວງວຽງຈັນ ເຊັ່ນ: ຄ້າຍຄຸມ ຂັງພາກໂພນຕ້ອງ, ຄ້າຍຄຸມຂັງນາໄຫ-ນາໂນ ແລະ ສະຖານທີ່ກັກຂັງຊົ່ວຄາວ ຫ້ອງຕໍາ ຫລວດນະຄອນບານ. ສ່ວນຄ້າຍຄຸມຂັງບັນດາເມືອງ ກໍໄດ້ລົງຕິດຕາມກວດກາເປັນປົກກະຕິ ປະຈໍາເດືອນ ແລະ ປະຈໍາອາທິດ. ສໍາລັບການຕິດຕາມກວດກາເກັບກໍາສະຖິຕິ ປະຈໍາເດືອນ ກັນຍາ 2022 ເກັບກໍາສະຖິຕິນັກໂທດໄດ້ທັງ ໝົດ 1.074 ຄົນ, ຍິງ 216 ຄົນ, ຄົນຕ່າງ ປະເທດ 3 ຄົນ, ຍິງ 1 ຄົນ; ຜູ້ຖືກຫາມີທັງໝົດ 3,044 ຄົນ, ຍິງ 380 ຄົນ, ຄົນຕ່າງປະ ເທດ 73 ຄົນ, ຍິງ 2 ຄົນ; ຜູ້ຖືກດັດສ້າງມີທັງໝົດ 208 ຄົນ, ຍິງ 6 ຄົນ; ຜູ້ຖືກຫາ ກັກຂັງເກີນມີທັງໝົດ 151 ຄົນ, ຍິງ 20 ຄົນ (ຂໍ້ຫາທົ່ວໄປ 52 ຄົນ, ຍິງ 11 ຄົນ; ຂໍ້ຫາ ຢາເສບຕິດ 99 ຄົນ, ຍິງ 9 ຄົນ). ສ່ວນສະຖິຕິເດືອນ ຕຸລາ 2022 ກໍາລັງສືບຕໍ່ເກັບກໍາ ແລະ ຈະສັງລວມລາຍ ງານອົງການໄອຍະກາປະຊາຊົນສູງສຸດ.
ໂອກາດນີ້, ທ່ານ ບຸນທັນ ບຸນທະວິໄລ ໄດ້ຮຽກຮ້ອງໃຫ້ຄະນະນໍາ, ພະນັກງານນໍາ ພາຄຸ້ມຄອງແຕ່ລະຂັ້ນ ແລະ ພະນັກງານວິຊາການ ທີ່ເປັນຫລັກແຫລ່ງ ຂອງອົງການໄອຍະ ການປະຊາຊົນ ນະຄອນຫລວງວຽງຈັນ ຈົ່ງພ້ອມກັນເພີ່ມທະວີ, ຍົກສູງຄວາມຮັບຜິດຊອບ ແລະ ເອົາໃຈໃສ່ຢ່າງຕັ້ງໜ້າ ໃນການຄົ້ນຄວ້າກຳແໜ້ນຫລັກການຂອງກົດໝາຍ, ຄຳສັ່ງ, ຄຳ ແນະນຳ ແລະ ນິຕິກຳລຸ່ມກົດໝາຍອື່ນໆ, ພ້ອມທັງນຳໄປຈັດຕັ້ງຜັນຂະຫຍາຍ ເຂົ້າໃນການ ປະຕິບັດວຽກງານວິຊາສະເພາະ ໃນການຕິດຕາມກວດກາການດໍາເນີນຄະດີອາຍາ ແລະ ວຽກ ງານຕິດຕາມກວດກາຄ້າຍຄຸມຂັງ-ດັດສ້າງ ໃຫ້ເຂັ້ມງວດ ແລະ ມີປະສິດທິຜົນ ເຮັດໃຫ້ອົງ ການໄອຍະການປະຊາຊົນ ປອດໃສ, ເຂັ້ມແຂງ ໜັກແໜ້ນ ຮັບປະກັນການປະຕິບັດພາລະ ບົດບາດ, ຂອບເຂດສິດ ແລະ ໜ້າ ຂອງອົງການໄອຍະການປະຊາຊົນ ໃຫ້ຖືກຕ້ອງຕາມ ກົດ ໝາຍ, ສ້າງຄວາມເຂົ້າໃຈ ແລະ ປະຕິບັດໃຫ້ເປັນເອກະພາບ ແລະ ມີປະສິດທິຜົນສູງ, ຮັບປະກັນໃຫ້ການດຳເນີນຄະດີອາຍາ ມີຄວາມໂປ່ງໃສ, ຖືກຕ້ອງ ແລະ ຍຸຕິທຳ.
ຂ່າວ-ພາບ ສົມຫວັງ
