ວັນທີ 13 ຕຸລາ 2022 ນີ້ ການນໍາເມືອງບຸນເໜືອໄດ້ລົງມອບອຸປະກອນຊຸດໂທລະໂຄ່ງ ໃຫ້ບ້ານ ປາງຫົກໃໝ່ ໂດຍການນໍາພາ ຂອງທ່ານ ຄໍາໄຊ ວົງສັກ ກຳມະການພັກເມືອງ ຮອງເຈົ້າເມືອງຜູ້ຊີ້ນໍາຂົງເຂດວັດທະນະທຳ-ສັງຄົມ, ມີທ່ານ ນາງ ບົວສະໄໝ ລີລາວົງ ກຳມະການພັກເມືອງ ຫົວໜ້າຫ້ອງການ ຖະແຫລງຂ່າວ-ວັດທະນະທຳ ແລະທ່ອງທ່ຽວ, ມີເລຂາຄະນະພັກຮາກຖານກຸ່ມງາຍເໜືອ, ອົງການປົກຄອງບ້ານພ້ອມດ້ວຍຊາວບ້ານເຂົ້າຮວ່ມເປັນສັກຂີພະຍານ.
ໃນໂອກາດທີ່ມີຄວາມໝາຍສຳຄັນນີ້ ທ່ານ ຄໍາໄຊ ວົງສັກ ກຳມະການພັກເມືອງ ຮອງເຈົ້າເມືອງຜູ້ຊີ້ນໍາຂົງເຂດວັດທະນະທຳ-ສັງຄົມ ໃນນາມຕາງໜ້າການນໍາເມືອງໄດ້ສະແດງຄວາມຢື້ຢາມຖາມຂ່າວ ຄວາມສຸກທຸກຊີວິດເປັນຢູ່ຂອງພໍ່
ແມ່ປະຊາຊົນບ້ານປ່າງຫົກໃໝ່ ພ້ອມທັງເຊື່ອມຊຶມແນວທາງນະໂຍບາຍຂອງພັກ-ລັດ, ແນະນໍາແນວທາງການດຳລົງຊີວິດໃຫ້ມີການພັດທະນາເທື່ອລະກ້າວ. ພ້ອມດຽວກັນນີ້ທ່ານກໍໃຫ້ຮູ້ວ່າ:ອຸປະກອນຊຸດໂທລະໂຄ່ງທີ່ລົງມອບຄັ້ງນີ້ແມ່ນ ການນໍາເມືອງໄດ້ປຸກລະດົມຂົນຂວາຍຈາກບັນດາຫົວໜ່ວຍທຸລະກິດແລ້ວໄດ້ຮັບການອຸປະຖໍາຊ່ວຍເຫຼືອຈາກຮ້ານ ຄໍາໝັ້ນ ພູຊາ ຊື້-ຂາຍລົດມືສອງທຸກປະເພດ ແລະ ຮ້ານ PMC ຊື້ຂາຍລົດມືສອງທຸກປະເພດ.
#ລາຍການອຸປະກອນທີ່ລົງມອບໃນຄັ້ງນີ້ປະກອບມີ:
1.ເອັມ 1 ໜ່ວຍ
2.ສາຍໄຟ VAF ຂະໜາດ2×1=1 ກໍ້
3.ສາຍແຈກ 1 ສາຍ
4.ໄມ 1 ອັນ
5.ດອກປາກເລີ 2 ຫນ່ວຍ
ລວມມູນຄ່າ 5,410,000 ກີບ
ຈາກນັ້ນທ່ານກໍໃຫ້ກຽດມອບອຸປະກອນຊຸດໂທລະ
ໂຄ່ງໃຫ້ບ້ານຢ່າງເປັນທາງການ ໂດຍມີທ່ານ ສົມສີ ເລຂາພັກນາຍບ້ານຂຶ້ນຮັບ.
