ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນຜ່ານມາ, ຢູ່ນອກວາລະກອງປະຊຸມຂັ້ນສູງ ຄັ້ງທີ 77 ຂອງສະມັດຊາໃຫຍ່ສະຫະປະຊາຊາດ(ສປຊ) ທີ່ພວມດໍາເນີນຢູ່ ນິວຢອກ, ອາເມຣິກາ, ກຸ່ມບັນດາພື້ນຖານເສດຖະກິດຫາກໍ່ພົ້ນເດັ່ນຂຶ້ນແຖວໜ້າໂລກ ຫຼື ບຣິກສ (BRICS= ເບຣຊີນ, ຣັດເຊຍ, ອິນເດຍ, ຈີນ ແລະ ອາຟຣິກາໃຕ້) ໄດ້ຈັດຕັ້ງກອງປະຊຸມຂັ້ນລັດຖະມົນຕີການຕ່າງປະເທດ.
ຂ່າວລະບຸວ່າ: ທີ່ກອງປະຊຸມ, ບັນດາທ່ານລັດຖະມົນຕີ ໄດ້ແລກປ່ຽນທັດສະນະກ່ຽວກັບບັນດາບັນຫາໃຫຍ່ຂອງພາກພື້ນ ແລະ ທົ່ວໂລກ ໃນໂຄງການດຳເນີນງານຂອງ ສປຊ ຄື: ດ້ານການເມືອງ, ຄວາມໝັ້ນຄົງ, ເສດຖະກິດ, ການເງິນ ແລະ ການພັດທະນາແບບຍືນຍົງ ພ້ອມກັບການເຄື່ອນໄຫວຕ່າງໆພາຍໃນກຸ່ມ BRICS.
ຕາມແຈ້ງການສື່ມວນຊົນຫຼັງກອງປະຊຸມ, ບັນດາທ່ານລັດຖະມົນຕີ BRICS ສະແດງຄວາມຈຳເປັນຕ້ອງປະຕິຮູບ ສປຊ ຢ່າງຮອບດ້ານ, ລວມທັງ ສະພາຄວາມໝັ້ນຄົງເພື່ອໃຫ້ອົງການນີ້ເຄື່ອນໄຫວຢ່າງມີປະສິດທິຜົນກວ່າເກົ່າ ພ້ອມທັງເພີ່ມທະວີລັກສະນະຕາງໜ້າລະຫວ່າງບັນດາພາກພື້ນ.
Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)
