ສະໂມສອນ ແມນເຊັສເຕີ ຢູໄນເຕັດ ອາດຈະພິຈາລະນາບໍ່ໃຊ້ເງ່ືອນໄຂທີມຂະຫຍາຍສັນຍາ ດາບິດ ເດເກອາ ຜູ້ຮັກສາປະຕູມື 1 ອອກໄປໃຫ້ນານກວ່າລະດູການ 2022-23 ຈຶ່ງເພັ່ງເລັງໄປທີ່ ຈໍແດນ ປິກຟອດ ຂອງ ເອຟເວີຕັນ ສັກສີທີມຊາດອັງກິດຕົວຈິງ.
ລາຍງານຈາກ ‘ເທເລກາຟ ຟຸດບອນ’ ລະບຸວ່າ ຜູ້ບໍລິຫານທີມ ແມນຢູ ກໍາລັງໜັກໃຈກັບຜົນປະກອບການລະດູການກ່ອນ ທີ່ຂາດທຶນມະຫາສານກວ່າ 384 ລ້ານໂດລາສະຫະລັດ ຈຶ່ງຕ້ອງຮັດສາຍແອວທຸກມິຕິ.
ໜຶ່ງໃນນັ້ນ ຄືລາຍຈ່າຍຄ່າຈ້າງຂອງນັກເຕະ ຄົນທີ່ແພງທີ່ສຸດຕົ້ນໆຄື ດາບິດ ເດເກອາ ອາຍຸຍ່າງເຂົ້າ 32 ປີ ຮັບຈາກທີມ 350.,000 ປອນຕໍ່ອາທິດ.
ດັ່ງນັ້ນ ລະດູການນີ້ຈຶ່ງຖືວ່າເປັນການທົດສອບສໍາຄັນຂອງດາວເຕະທີມຊາວແອັດສະປາຍ ເພາະຫາກຟອມແມ່ນມາດຕະຖານຕໍ່າ ແລ່ວທີມງານພາດໂອກາດໄປເຕະແຊັມປຽນລີກ ອີກ ກໍຄົງບໍ່ມອບທາງເລືອກໃຫ້ທີມທີ່ຈະຂະຫຍາຍຂໍ້ຜູກມັດລະດູການ 2023-24 ປ່ອຍເຂົ້າສູ່ຕະຫຼາດຕົວແທນບໍ່ເສຍຄ່າ.
ສ່ວນຜູ້ສືບທອດມືໜຶ່ງແຫ່ງຖິ່ນ ໂອລ ແທຣບຟອດ ໄດ້ເບິ່ງໄປຍັງ ພິກຟອດ ທີ່ລະດູຮ້ອນຈະເຂົ້າສັນຍາປີສຸດທ້າຍ ຄ່າຕົວຕໍ່າກວ່າ 15 ລ້ານປອນແນ່ນອນ.
