ຫຼັງຈາກສະຫະພັນກິລາອາຊຽນ ຈັດກອງປະຊຸມເພື່ອສະຫຼຸບຈໍານວນຊະນິດກິລາໃນງານມະຫະກຳກິລາຊີເກມສ໌ ຄັ້ງທີ 32 ລະຫວ່າງວັນທີ 5 ຫາວັນທີ 17 ພຶດສະພາ 2023 ທີ່ປະເທດກຳປູເຈຍ ເປັນເຈົ້າພາບ ໂດຍມີມົນຕີກີລາຊີເກມສ໌ ຈາກ 10 ປະເທດສະມາຊິກ ເຂົ້າຮ່ວມ.
ໂດຍກອງປະຊຸມໄດ້ສະຫຼຸບຈໍານວນຊະນິດກີລາວ່າ: ຈະມີການແຂ່ງຂັນກິລາທັງໝົດ 37 ປະເພດ ແລະ ມີຊີງໄຊເຖິງ 608 ຫຼຽນຄຳ ເຊິ່ງເປັນຈໍານວນຫຼຽນຄຳສູງສຸດນັບຕັ້ງແຕ່ມີການແຂ່ງຂັນກີລາຊີເກມສ໌ມາ.
ສໍາລັບຊະນິດກິລາ ແລະ ຈໍານວນຫຼຽນຄໍາໃນແຕ່ລະປະເພດກິລາ ປະກອບດ້ວຍ ປະເພດກິລາທາງນໍ້າ ຈັດຊີງລວມຫຼາຍທີ່ສຸດ 69 ຫຼຽນຄໍາ (ລອຍນໍ້າ 39 ຫຼຽນຄໍາ, ໂດດນໍ້າ 4 ຫຼຽນຄໍາ, ໂປໂລນໍ້າ 2 ຫຼຽນຄໍາ, ຟິນສະວິມມິງ 24 ຫຼຽນຄໍາ) ຮອງລົງມາເປັນ ແລ່ນ ແລະ ລານ ຊີງ 47 ຫຼຽນຄໍາ.
ສ່ວນອື່ນໆ ແບ່ງອອກເປັນ ກິລາຕີດອກປີກໄກ່ 8 ຫຼຽນຄຳ, ບານບ້ວງ 4 ຫຼຽນຄໍາ, ບິລລຽນ/ສະນຸກເກີ 10 ຫຼຽນຄໍາ, ມວຍສາກົນ 17 ຫຼຽນຄຳ, ເພາະກາຍ 15 ຫຼຽນຄໍາ, ກິລາໝາກຮຸກສາກົນ 12 ຫຼຽນຄຳ, ຄຣິເກັດ 8 ຫຼຽນຄໍາ, ລົດຖີບ 9 ຫຼຽນຄໍາ, ແດນຊ໌ສະປອດ 12 ຫຼຽນຄໍາ, ອີສະປອດ 9 ຫຼຽນຄໍາ, ກິລາຟັນດາດ 12 ຫຼຽນຄໍາ ຟລໍບອລ 2 ຫຼຽນຄໍາ, ບານເຕະ 2 ຫຼຽນຄໍາ, ກ໊ອຟ 4 ຫຼຽນຄໍາ, ຢິມນາສຕິກ (ອາດທິສຕິກ) 8 ຫຼຽນຄໍາ, ຢິມນາສຕິກ (ແອໂຣບິກ) 5 ຫຼຽນຄໍາ
ຮັອກກີ 4 ຫຼຽນຄຳ, ເຈດສະກີ 6 ຫຼຽນຄຳ, ຢູໂດ 13 ຫຼຽນຄຳ, ຄາຣາເຕ້ 17 ຫຼຽນຄຳ, ອານິສ 12 ຫຼຽນຄຳ ຢູຢຶດສຸ 13 ຫຼຽນຄຳ, ຄິກບັອກຊິງ 17 ຫຼຽນຄໍາ, ຂຸນໂບກະຕໍ (ມວຍຂະແມ) 21 ຫຼຽນຄໍາ, ມວຍ 17 ຫຼຽນຄຳ, ໂວວີນໍ່າ 30 ຫຼຽນຄໍາ, ອອບສະຕາເຄິລ ເຣຊ (ແລ່ນວິບາກ) 4 ຫຼຽນຄໍາ, ປັນຈັກສີລັດ 22 ຫຼຽນຄໍາ, ເປຕັງ 11 ຫຼຽນຄໍາ, ເຮືອຊ່ວງ 9 ຫຼຽນຄຳ, ຊອຟ ເທັນນິສ 7 ຫຼຽນຄຳ, ກະຕໍ້ 22 ຫຼຽນຄຳ, ປິງປອງ 7 ຫຼຽນຄໍາ, ເທຄວັນໂດ 24 ຫຼຽນຄຳ, ເຮືອຍາວ 13 ຫຼຽນຄຳ, ເທນນິສ 7 ຫຼຽນຄຳ, ໄຕຣກີລາ 7 ຫຼຽນຄຳ, ບານສົ່ງ 4 ຫຼຽນຄໍາ, ກິລາຍົກນ້ຳໜັກ 14 ຫຼຽນຄຳ, ກິລາມວຍປ້ຳ 30 ຫຼຽນຄຳ ແລະ ວູຊູ 24 ຫຼຽນຄໍາ.
