ຕາມຂ່າວຈາກ ຊິນຮວາ, ເມື່ອບໍ່ດົນມານີ້, ທະນາຄານພັດທະນາອາຊີ (ADB) ຄາດການການຂະຫຍາຍຕົວທາງເສດຖະກິດ ຂອງກຳປູເຈຍ ໃນປີ2022 ຮັກສາໄວ້ທີ່ລະດັບ 5,3% ແລະ ຕົວເລກປີ 2023 ຍັງເຫລືອ 6,2% ຈາກຄາດການໄວ້ 6,5% ເນື່ອງຈາກການຂະຫຍາຍຕົວຂອງເສດຖະກິດໂລກທີ່ຊັກຊ້າ.
ຂະນະທີ່ຜົນຜະລິດສິນຄ້າປະເພດເຄື່ອງແຕ່ງກາຍ ສິນຄ້າເພື່ອການເດີນທາງ ແລະ ເກີບ ຂອງກໍາປູເຈຍຍັງສືບຕໍ່ຂະຫຍາຍຕົວ ຢ່າງແຂງແຮງ ໂດຍເພີ່ມຂຶ້ນ 39,8% ເມື່ອທຽບໃສ່ປີກາຍໃນໄລຍະ 6 ເດືອນ ທຳອິດ ຂອງປີ 2022, ເຖິງແມ່ນວ່າເສດຖະກິດ ຂອງສະຫະລັດ ແລະ ເອີຣົບຈະຊ້າລົງ.
ຂະນະທີ່ຂະແໜງການກໍ່ສ້າງໄດ້ຟື້ນຕົວເທື່ອລະກ້າວ, ການນຳເຂົ້າວັດສະດຸກໍ່ສ້າງ ເພີ່ມຂຶ້ນ 22,8%, ສ່ວນຜະລິດອຸດສາຫະກຳຄາດວ່າຈະເພີ່ມຂຶ້ນ 9,1% ໃນປີ 2022, ກ່ອນທີ່ຈະຫລຸດລົງເຫລືອ 8,6% ໃນປີ 2023 ຍ້ອນຄວາມຕ້ອງການຈາກພາຍນອກຫລຸດລົງ.
Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
