ວິທະຍຸສາກົນ ແຫ່ງປະເທດຈີນ (CRI) ໄດ້ລາຍງານວ່າ: ວັນທີ 16 ກັນຍາ 2022 ນີ້, ທ່ານ ສີຈິ້ນຜິງ ປະທານປະເທດຈີນ ໄດ້ເຂົ້າຮ່ວມກອງປະຊຸມຄັ້ງທີ 22 ຂອງສະພາມົນຕີປະມຸກລັດປະເທດສະມາຊິກອົງການຮ່ວມມືຊຽງໄຮ ຢູ່ນະຄອນຊາມາຄານ ປະເທດອຸສເບກີສະຖານ.
ທັງໄດ້ກ່າວຄຳປາໄສທີ່ສຳຄັນ, ໂດຍກ່າວເນັ້ນໜັກໃຫ້ປະຕິບັດຕາມ “ນ້ຳໃຈຊຽງໄຮ”, ເພີ່ມທະວີຄວາມສາມັກຄີ ແລະ ການຮ່ວມມືກັນ, ຊຸກຍູ້ການສ້າງປະຊາຄົມຮ່ວມຊາຕາກຳຂອງອົງການຮ່ວມມືຊຽງໄຮ ໃຫ້ສະໜິດແໜ້ນກວ່າເກົ່າ.
