ຕາມຂ່າວຈາກ ຊິນຮວາ,ວັນທີ15ກັນຍານີ້, ທ່ານ ຮຸນເຊນ,ນາຍົກ ລັດຖະມົນຕີ ກຳປູເຈຍ ຮຽກຮ້ອງ ໃຫ້ອາຊຽນ ເພີ່ມການຮ່ວມມືກັນ ຊັກຊວນ ປະເທດ ເສດຖະກິດ ຂະໜາດໃຫຍ່ ແຫ່ງອື່ນ ເຂົ້າຮ່ວມ ເປັນສະມາຊິກ ອາເຊັບ (RCEP) ໃຫ້ຫລາຍຂຶ້ນ ພາຍຫລັງ ເປີດກອງປະຊຸມ ຄະນະ ລັດຖະມົນຕີ ອາຊຽນ ສະມາຄົມ ປະຊາຊາດແຫ່ງອາຊີ ຕາເວັນອອກ ສ່ຽງໃຕ້ (ອາຊຽນ) ຄັ້ງທີ54 ແລະ ກອງປະຊຸມ ທີ່ກ່ຽວຂ້ອງ ໃນແຂວງ ສຽງຣຽບ(Siem Reap) ຮຽກຮ້ອງ ໃຫ້ບັນດາ ສະມາຊິກ ອາຊຽນ ຈົ່ງພ້ອມກັນ ຊອກຫາວິທີທາງດຶງດູດ ປະເທດ ເສດຖະກິດ ໃຫຍ່ອື່ນໆເຂົ້າຮ່ວມ ສັນຍາ ຄູ່ຮ່ວມມື ເສດຖະກິດ ພາກພື້ນ (RCEP) ເພື່ອຜົນປະໂຫຍດ ສູງສຸດ.ປັດຈຸບັນ ອາເຊັບ ມີສະມາຊິກ 15ປະເທດ ປະກອບດ້ວຍ ສະມາຊິກ ອາຊຽນ 10ປະເທດ ແລະ ຄູ່ເຈລະຈາ ອີກ 5ປະເທດ ລວມມີ: ຈີນ,ຍີ່ປຸ່ນ,ສ.ເກົາຫລີ,ອົດສະຕຣາລີ ແລະ ນູແວນເຊລັງ ຖືເປັນ ຂໍ້ຕົກລົງ ການຄ້າເສລີ(FTA), ທີ່ໃຫຍ່ສຸດ ໃນໂລກ ເນື່ອງຈາກ ມູນຄ່າ ຈີດີພີ ຂອງສະມາຊິກ ອາເຊັບ ລວມກັນ ກວມເອົາ 1ໃນ3ຂອງໂລກ ດ້ວຍມູນຄ່າ 26 ພັນຕື້ກວ່າ ໂດລາ ສະຫະລັດ ກວມເອົາ ປະຊາກອນ 2.200 ລ້ານຄົນ ຫລື 1ໃນ3 ຂອງປະຊາກອນໂລກ ແລະ ຍັງເປັນ FTA ສະບັບ ທຳອິດ ໃນປະຫວັດສາດ ທີ່ຈີນ,ຍີ່ປຸ່ນ ແລະ ສ.ເກົາຫລີ ຮ່ວມລົງນາມ ພ້ອມກັນ ຕັ້ງແຕ່ຕົ້ນ.ຂະນະທີ່ ອາເຊັບ ມີຜົນບັງຄັບໃຊ້ ຕັ້ງແຕ່ຕົ້ນ ເດືອນມັງກອນ ຜ່ານມາ ຫລັງຈາກ ສະມາຊິກ ອາຊຽນ ຢ່າງໜ້ອຍ 6ປະເທດ ແລະ ຄູ່ເຈລະຈາ ຢ່າງໜ້ອຍ 3ປະເທດ ໄດ້ໃຫ້ສັດຕະຍາບັນ ໄລຍະເວລາ ກຳນົດ.
(ພາກຂ່າວ: ຕ່າງປະເທດ)
