ວິທະຍຸກະຈາຍສຽງຫວຽດນາມລາຍງານວ່າ: ວັນທີ 13 ກັນຍາ ຜ່ານມາ, ຢູ່ ນະຄອນຫຼວງ ຮ່າໂນ້ຍ, ສູນກາງສະມາຄົມຊາວກະສິກອນ ຫວຽດນາມ ໄດ້ຈັດກອງປະຊຸມຍ້ອງຍໍຊາວກະສິກອນຜະລິດ, ດຳເນີນທຸລະກິດເກັ່ງໃນທົ່ວປະເທດ ຄັ້ງທີ 6 ໄລຍະ 2017 – 2022.
ກອງປະຊຸມຕີລາຄາສະພາບການປະຕິບັດຂະບວນການຊາວກະສິກອນແຂ່ງຂັນຜະລິດ, ດຳເນີນທຸລະກິດເກັ່ງ ໃນ 5 ປີຜ່ານມາ, ພ້ອມທັງຍ້ອງຍໍຊາວກະສິກອນເປັນແບບຢ່າງດີເດັ່ນ, ກ້າຄິດກ້າທຳ, ຂະຫຍັນຂັນເຄື່ອນ, ປະດິດຄິດສ້າງ, ມີຄວາມຄາດຫວັງສ້າງຄວາມຮັ່ງມີຢ່າງຊອບທຳ.
ບັນດາບົດປະກອບຄຳເຫັນທີ່ກອງປະຊຸມໄດ້ເວົ້າເຖິງເປົ້າໝາຍ, ໜ້າທີ່, ມາດຕະການແທດຈິງ, ສ້າງກຳລັງໜູນຊຸກຍູ້ຂະບວນການແກ່ນສານຂອງສະມາຄົມຊາວກະສິກອນ ຫວຽດນາມ ໃນໄລຍະທີ່ຈະເຖິງໃຫ້ບັນລຸປະສິດທິຜົນກວ່າເກົ່າ, ປະກອບສ່ວນປະຕິບັດມະຕິກອງປະຊຸມໃຫຍ່ ຄັ້ງທີ XIII ຂອງພັກຢ່າງມີໄຊ; ມະຕິກ່ຽວກັບກະສິກຳ, ຊາວກະສິກອນ, ຊົນນະບົດຮອດປີ 2030, ວິໄສທັດຮອດປີ 2046.
Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)
