ຕາມການສະຫລຸບລາຍງານຂອງອຳນາດການປົກຄອງບ້ານເມືອງວັ້ນ ແລະ ບ້ານໂຊດ ເມືອງແອດ ໃນວັນທີ 13 ກັນຍາ 2022 ນີ້ວ່າ: ເນື່ອງຈາກ ຝົນຕົກໜັກຫລາຍຜ່ານມາ, ເຮັດໃຫ້ນໍ້າຫ້ວຍຂຶ້ນຫລາຍ ໄຫລຖ້ວມບ້ານເຮືອນປະຊາຊົນ ແລະ ສະຖານທີ່ທໍາການຜະລິດ ເປັນຕົ້ນ ໜອງປາ, ໄຮ່, ນາ ແລະ ສວນ ຂອງປະຊາຊົນ ເສຍຫາຍຢ່າງໜັກໜ່ວງ, ປະເມີນມູນຄ່າເສຍຫາຍເບື້ອງຕົ້ນ 300 ກວ່າລ້ານກີບ.
ໃນນັ້ນ ບ້ານໂຊດ ຖືກຜົນກະທົບຈາກຫ້ວຍນ້ຳໂຊດ ເຮັດໃຫ້ເນື້ອທີ່ນາເສຍຫາຍ 1,43 ເຮັກຕາ, ໜອງປາເຊາະເຈື່ອນ ແລະ ນ້ຳຖ້ວມ 38 ໜ່ວຍ, ຝາຍນາມ່ວງເປ່ເພ (ຄອງເໝືອງເຈື່ອນຂາດ 8 ແມັດ), ລວມມູນຄ່າ ເສຍຫາຍຂອງບ້ານໂຊດ 180 ກວ່າລ້ານກີບ.
ສ່ວນບ້ານເມືອງວັ້ນ ໄດ້ຮັບຜົຍເສຍຫາຍ ມີເນື້ອທີ່ນາ 1 ເຮັກຕາ, ບໍ່ສາມາດຟື້ນຟູຄືນ 0,5 ເຮັກຕາ, ໜອງປາ 6 ໜ່ວຍ, ນອກນີ້ຍັງມີ ເສັ້ນທາງ, ເຮືອນ ແລະ ເຄື່ອງໃຊ້ ປະຊາຊົນ ຈຳນວນ 15 ຄອບຄົວ ລວມມູນຄ່າເສຍຫາຍ 135 ກວ່າລ້ານກີບ.
Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
