ໃນຕອນເຊົ້າວັນທີ 10 ກັນຍາ 2022 ທີ່ຜ່ານມານີ້, ທີ່ໂຮງຮຽນອະນຸບານ-ປະຖົມ ລາວ-ຍີ່ປຸ່ນ ໄດ້ມີໂອກາດຕ້ອນຮັບ ທ່ານເອກອັກຄະລັດຖະທູດ ເຄນິຈິ ໂຄບາຢາຊິ ແຫ່ງປະເທດຍີ່ປຸ່ນ ປະຈໍາ ສປປ ລາວ ພ້ອມດ້ວຍພັນລະຍາ, ຄະນະ ແລະ ແຂກທີ່ຖືກເຊີນ.
ໃນການຢ້ຽງຢາມຄັ້ງນີ້, ຄະນະອໍານວຍການໂຮງຮຽນໄດ້ນໍາພາບັນດາແຂກຊົມບັນຍາກາດພາຍໃນອາຄານຮຽນ, ກິດຈະກໍາການຮຽນການສອນ ແລະ ພ້ອມນັ້ນ, ທ່ານອໍານວຍການໂຮງຮຽນກໍ່ໄດ້ສະເໜີປະຫວັດຄວາມເປັນມາຂອງໂຮງຮຽນ ແລະ ແຜນການພັດທະນາໂຮງຮຽນໃນຕໍ່ໜ້າ, ເຊິ່ງໃນໂຮງຮຽນລາວ-ຍີ່ປຸ່ນ ນອກຈາກການຮຽນ, ການກິລາ, ດົນຕີ ແລະ ກິດຈະກໍາອື່ນໆແລ້ວ ໂຮງຮຽນຍັງໄດ້ຖືເອົາວຽກງານໂພຊະນາການເປັນໜຶ່ງວຽກສໍາຄັນເພື່ອສົ່ງເສີມສຸຂະພາບທີ່ດີຂອງນັກຮຽນ.
ສຸດທ້າຍ, ຄະນະໂຮງຮຽນໄດ້ຮັບຄໍາໂອວາດຈາກ ທ່ານເອກອັກຄະລັດຖະທູດ ເຄນິຈິ ໂຄບາຢາຊິ ແລະ ພ້ອມນໍາເອົາຄໍາຄິດເຫັນຂອງທ່ານໄປຜັນຂະຫຍາຍໃນຕໍ່ໜ້າ.
ຂ່າວ-ພາບ: ອົງການ ອຸຍແນັດສໂກ
Medialaos MMD
