ບັນດາບໍລິສັດ ກໍຄືຫົວໜ່ວຍທຸລະກິດຈາກ 66 ປະເທດ ແລະ ພາກພື້ນ ໄດ້ເຂົ້າຮ່ວມງານວາງສະແດງສິນຄ້າເພື່ອການລົງທຶນ ແລະ ການຄ້າສາກົນຈີນ ຄັ້ງທີ 22 ທີ່ຈັດຂຶ້ນນະຄອນເຊ້ຍເມີນ, ແຂວງຟູຈ້ຽນຂອງຈີນ ໃນລະຫວ່າງວັນທີ 8-11 ກັນຍາ 2022 ພາຍໃຕ້ຫົວຂໍ້ “ການພັດທະນາທົ່ວໂລກ: ແບ່ງປັນໂອກາດທາງດິຈິຕອນ ແລະ ການລົງທຶນໃນອະນາຄົດສີຂຽວ” ໂດຍຈັດແບ່ງອອກເປັນ 13 ພື້ນທີ່ວາງສະແດງທີ່ກ່ຽວຂ້ອງກັບການສົ່ງເສີມການລົງທຶນ, ນະວັດຕະກໍາດ້ານອຸດສາຫະກໍາ ແລະ ການຈັບຄູ່ຮ່ວມມືດ້ານທຸລະກິດ.
ພາຍໃນງານດັ່ງກ່າວ ໄດ້ມີກອງປະຊຸມສໍາມະນາກ່ຽວກັບບັນຫາຕ່າງໆ ທີ່ກ່ຽວຂ້ອງກັບການລົງທຶນ ແລະ ການຄ້າຫລາຍກວ່າ 40 ຄັ້ງ ເຊັ່ນ: ເສດຖະກິດດີຈີຕອນ, ການລົງ ທຶນສີຂຽວ, ໂຄງການລິເລີ່ມກ່ຽວກັບການພັດທະນາໂລກ, ໂຄງການໜຶ່ງແລວໜຶ່ງເສັ້ນທາງ, ການຮ່ວມມືໃນກຸ່ມປະ ເທດ BRICS ແລະ RCEP.
ສໍາລັບຫົວຂໍ້ກ່ຽວກັບເສດຖະກິດດິຈິຕອນ ຖືເປັນຫົວ ຂໍ້ໜຶ່ງທີ່ໄດ້ຮັບຄວາມສົນໃຈຫລາຍ ເຊີ່ງອີງຕາມຂໍ້ມູນເວທີປຶກສາຫາລືການລົງທຶນຕໍ່ຕ່າງປະເທດກ່ຽວກັບເສດຖະກິດດີຈີຕອນທີ່ຈັດຂຶ້ນພາຍໃນງານຄັ້ງນີ້ ໃຫ້ຮູ້ວ່າ: ກະຊວງການຄ້າຈີນກຳລັງສ້າງເວທີສົ່ງເສີມການລົງທຶນຂ້າມຊາດດ້ານອຸດສາຫະກຳເສດຖະກິດດີຈີຕອນ ເພື່ອເພີ່ມຄວາມສາມາດໃຫ້ວິສາຫະກິດຈີນໃນການຊຸກຍູ້ການປະດິດສ້າງໃໝ່ ແລະການນຳໃຊ້ຕົວຈິງໃນດ້ານພື້ນຖານໂຄງລ່າງດີຈີຕອນ, ການຄ້າເອເລັກໂຕນິກຂ້າມຊາດ ແລະຂົງເຂດອື່ນໆ ໃຫ້ກ້າວໄປທົ່ວໂລກ ແລະ ພ້ອມຈະສືບຕໍ່ເຕົ້າໂຮມຊັບພະຍາກອນເສດຖະກິດດີຈີຕອນທີ່ມີຄຸນະພາບດີ, ມີຂະໜາດໃຫຍ່ ແລະມີລະດັບສູງທັງພາຍໃນປະເທດຈີນ ແລະຕ່າງປະເທດ, ຊຸກຍູ້ອຸດສາຫະກຳເສດຖະກິດດີຈີຕອນຢູ່ພາຍ ໃນປະເທດຈີນ ແລະ ຕ່າງປະເທດ ໃຫ້ສາມາດຕິດຕໍ່ກັນໄດ້ຢ່າງສະດວກສະບາຍ ແລະ ຊັດເຈນທີ່ສຸດ.
ນອກຈາກນີ້, ໃນກອງປະຊຸມເວທີປຶກສາຫາລືການພັດທະນາສີຂຽວການລົງທຶນສາກົນ 2022 ທີ່ຈັດຂຶ້ນໃນພາຍໃຍຄັ້ງນີ້ເຊັ່ນດຽວກັນ ໄດ້ເປີດເຜີຍບົດລາຍງານການພັດທະນາປະເທດຂອງວິສາຫະກິດຈີນ ເຊີ່ງສະແດງໃຫ້ເຫັນວ່າ: ປີ 2021, ວິສາຫະກິດຈີນໄດ້ລົງທຶນຕໍ່ຕ່າງປະ ເທດ ມູນຄ່າຫຼາຍກວ່າ 145 ຕື້ໂດລາສະຫະລັດ, ເພີ່ມຂຶ້ນ 9,2% ເມື່ອທຽບໃສ່ປີ 2020, ຈັດຢູ່ແຖວໜ້າຂອງໂລກ. ໃນໄລຍະ 1 ທົດສະວັດມານີ້, ວິສາຫະກິດຈີນທີ່ດຳເນີນການຮ່ວມມືດ້ານການລົງທຶນຕໍ່ຕ່າງປະເທດໄດ້ຈ່າຍພາສີຢູ່ທ້ອງ ຖິ່ນເກືອບ 400 ຕື້ໂດລາສະຫະລັດ ເຊິ່ງຖືເປັນການປະກອບສ່ວນຢ່າງຕັ້ງໜ້າເຂົ້າໃນການຟື້ນຟູການເຕີບໂຕຂອງເສດຖະກິດທ້ອງຖິ່ນ ກໍຄືເສດຖະກິດໂລກ.
Cr: BT
Source: Xinhua
