ພິທີເປີດການຝຶກຊ້ອມຮ່ວມກອບກູ້ໄພພິບັດລະຫວ່າງ 3 ກອງທັບ ກຳປູເຈຍ, ລາວ, ຫວຽດນາມ ຈັດຂຶ້ນຢ່າງເປັນທາງການໃນຕອນເຊົ້າວັນທີ 10 ກັນຍາ 2022 ນີ້ ຢູ່ທີ່ອ່າງນໍ້າຫຸມກະຊວງປ້ອງກັນປະເທດໂດຍການເປັນກຽດເຂົ້າຮ່ວມຂອງ ສະຫາຍ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດ, ມີສະຫາຍພົນຕີ ແປນ ໂສກຮິດວິເຢຍ ຫົວໜ້າຫ້ອງການເສນາ ກອງທັບຣາຊະອານາຈັກກຳປູເຈຍ, ຫົວໜ້າຄະນະຮັບຜິດຊອບການຝຶກຊ້ອມຮ່ວມ 3 ກອງທັບ, ມີສະຫາຍພັນເອກພິເສດ ຟ້າມວັນຍຸ້ງ ຮອງຫົວໜ້າເສນາທິການກອງບັນຊາການທະຫານເຂດ 4 ກອງທັບປະຊາຊົນຫວຽດນາມ, ພ້ອມດ້ວຍຄະນະນຳກະຊວງປ້ອງກັນປະເທດ, ບັນດາກົມໃຫຍ່ ແລະ ພາກສ່ວນທີ່ກ່ຽວຂ້ອງຂອງເຂົ້າຮ່ວມ.
ໃນພິທີຍັງໄດ້ລາຍງານແຜນການຝຶກຊ້ອມກອບກູ້ໄພພິບັດທາງທຳມະຊາດຮ່ວມ 3 ກອງທັບ ( ກໍາປູເຈຍ,ລາວ,ຫວຽດນາມ) ເຊິ່ງ ໄດ້ເເບ່ງອອກເປັນ 2 ພາກຄື : ການຊອກຄົ້ນ-ກອບກູ້ຜູ້ປະສົບໄພທາງນ້ຳ ໂດຍເເບ່ງອອກເປັນ 3ຈຸ,ຈຸທີ1 ໃຊ້ເຮືອລາດຕະເວນ 6 ລຳ,ເພື່ອຊອກຫາຜູ້ປະສົບໄພທີ່ຕົກຄ້າງຢູ່ຕາມຈຸດຕ່າງໆ ຈຸທີ 2 ຊອກຄົ້ນກອບກູ້ຜູ້ປະສົບໄພທີ່ຈົມຢູ່ໃຕ້ນ້ຳດ້ວຍນັກດຳນ້ຳ, ສ່ວນຈຸທີ 3 ກອບກູ້ ແລະ ຍົກຍ້າຍຜູ້ປະສົບໄພ ຫລື ຜູ້ບາດເຈັບ ດ້ວຍເຮືອໄປຫາເຂດທີ່ປອດໄພ,ຫລັງຈາກນັ້ນ ທະຫານອາກາດໄດ້ນຳໃຊ້ເຮືອບິນZ-9 ບິນລາດຕະເວນຊອກຄົ້ນຜູ້ປະສົບໄພຕາມຈຸດຕ່າງໆທີ່ເຮືອບໍ່ສາມາດເຂົ້າເຖິງ, ເຮືອບິນ Mi -17 ບິນຢ່ອນນັກກອບກູ້ລົງຊ່ວຍເຫລືອຜູ້ປະສົບໄພທີ່ຢູ່ຈຸດສູງເຂດທຸລະກັນດານ ແລະ ພື້ນທີ່ນໍ້າຖ້ວມທີ່ມີສິ່ງກີດຂວາງ, ຕົ້ນໄມ້ຫັກທັບຖົມ ລວມເຖິງວຽກງານວິຊາສະເພາະປິ່ນອ້ອມຕ່າງໆ.
ໂອກາດດຽວກັນນີ້ ສະຫາຍ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດ, ຫົວຫນ້າຄະນະຊີ້ນຳວຽກງານກອບກູ້ໄພພິບັດຮ່ວມ 3 ກອງທັບ ໄດ້ມີຄໍາເຫັນກ່າວເປີດການຝຶກຊ້ອມກອບກູ້ໄພພິບັດຮ່ວມ 03 ກອງທັບຢ່າງເປັນທາງການ ໂດຍໄດ້ຍົກໃຫ້ເຫັນເຖິິງຄວາມໝາຍຄວາມສໍາຄັນຂອງການຝຶກຊ້ອມໃນຄັ້ງນີ້ ເປັນການຍົກລະດັບຄວາມຮູ້ຄວາມສາມາດ ແລະ ຄວາມຊຳນິຊຳນານ ໃນການກະກຽມຄວາມພ້ອມກອບກູ້ໄພພິບັດໃນທຸກເງື່ອນໄຂ ແລະ ໃນທຸກສະຖານະການທີ່ອາດຈະເກີດຂຶ້ນ ຂອງ 03 ກອງທັບກໍາປູເຈຍ, ລາວ ເເລະ ຫວຽດນາມ ໃຫ້ນັບມື້ສູງຂຶ້ນເລື້ອຍໆ.
ຂ່າວ-ພາບ : ລຸນທອງ
