ຕາມຂ່າວຈາກ ຊິນຮວາ, ວັນທີ8 ກັນຍານີ້, ບໍລິສັດ ກໍ່ສ້າງ ທາງລົດໄຟຈີນ ຈຳກັດ ປະກາດ ເລີ່ມກໍ່ສ້າງ ອຸໂມງ ຂະໜາດໃຫຍ່ ໃຕ້ແມ່ນ້ຳ ຢາງຊີ (yangtze).ໃນແຂວງ ຈຽງຊູ (Jiangsu) ພາກຕາເວັນອອກ ຂອງຈີນ ໂດຍມີຈຸດໝາຍເພື່ອສ້າງຖະໜົນສາຍຫລັກລອດຜ່ານ ແມ່ນ້ຳຍາວທີ່ສຸດຂອງປະເທດ ໂດຍຖືກອອກແບບໃຫ້ເປັນທາງດ່ວນແລ່ນສວນທາງກັນ ເບື້ອງລະ 3 ເລນ ມີຄວາມຍາວ 39 ກິໂລແມັດ ຊຶ່ງເປັນສ່ວນ ທີ່ຢູ່ໃຕ້ ແມ່ນ້ຳ 11,2 ກິໂລແມັດ ພ້ອມດ້ວຍຄວາມໄວອອກແບບແລ່ນໄດ້ ສູງສຸດ 100 ກິໂລແມັດຕໍ່/ຊົ່ວໂມງ ຄາດວ່າຈະເປີດການສັນຈອນພາຍໃນປີ 2028 ຊຶ່ງຈະເປັນ ໂຄງການສຳຄັນທີ່ນຳໃຊ້ເຕັກໂນໂລຊີທັນສະໄໝໃນການຂຸດເຈາະອຸໂມງ, ການປ້ອງກັນນ້ຳ ແລະ ຄວາມທົນທານຕໍ່ໄຟໄໝ້.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
