ສຳນັກຂ່າວ ຣອຍເຕີ, ວັນທີ8 ກັນຍານີ້, ທ່ານ ນາງ ລີຊ ທຣັດສ (Liz Truss), ນາຍົກລັດຖະມົນຕີ ອັງກິດ ຄົນໃໝ່ ກຽມແຜນ ປັບຫລຸດຄ່າໃຊ້ຈ່າຍດ້ານພະລັງງານດ້ວຍວົງເງິນປະມານ 115 ຕື້ ໂດລາສະຫະລັດ ຫລັງຈາກກຽມກຳນົດເພດານລາຄາໄຟຟ້າຂອງຜູ້ບໍລິໂພກເພີ່ມສູງຂຶ້ນພ້ອມທັງແຫລ່ງພະລັງງານໃໝ່ ໃນແຜນສະໜັບສະໜູນດ້ານພະລັງງານວົງເງິນກວ່າ 100 ຕື້ປອນ ຫລັງຈາກເສດຖະກິດອັງກິດຖົດຖອຍທີ່ແກ່ຍາວມາເປັນເວລາດົນນານທີ່ເກີດຈາກຄ່າໄຟຟ້າໃນຄົວເຮືອນເພີ່ມຂຶ້ນເກືອບ 4 ເທົ່າ.
ດັ່ງນັ້ນ ຈຶ່ງເລັ່ງແກ້ໄຂບັນຫາຄ່າພະລັງງານທັນທີເພື່ອປົກປ້ອງຜູ້ບໍລິໂພກ ຂະນະດຽວກັນ ອັງກິດຈະຫາແຫລ່ງພະລັງງານໃໝ່ ດ້ວຍການອອກໃບອະນຸຍາດສຳຫລວດ ແລະ ຂຸດຄົ້ນນ້ຳມັນ ແລະ ອາຍແກັສ ໃນທະເລເໜືອ ເຖິງ 130 ໃບ ແລະ ຍົກເລີກ ຄຳສັ່ງ ຫ້າມຂຸດຄົ້ນນ້ຳມັນດ້ວຍວິທີ fracking ຖ້າຫາກວ່າປະຊາຊົນໃນທ້ອງຖິ່ນຕົກລົງເຫັນດີ. ນອກຈາກນີ້ ຍັງຈະຊົດເຊີຍ ລາຄາພະລັງງານ ແລະ ປັບຫລຸດພາສີອາດຕ້ອງໃຊ້ເງິນ 179 ຕື້ປອນ.
Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
