ແຫລ່ງຂ່າວຈາກ ເມືອງໄຊພູທອງ ແຂວງສພຫວັນນະເຂດ ໃຫ້ຮູ້ວ່າ: ເມື່ອບໍ່ດົນມານີ້, ການນໍາ ເມືອງໄຊພູທອງ ນໍາໂດຍ ທ່ານ ນາງ ດາວວອນ ໄຊສຸລຽນ ເຈົ້າເມືອງ ໄຊພູທອງ ພ້ອມດ້ວຍການນໍາເມືອງ ແລະ ພະນັກງານຈາກຫ້ອງການຕ່າງໆ ພາຍໃນເມືອງ ສ້າງຂະບວນການອອກແຮງງານລວມ ຖາງປ່າທີ່ຮົກເຮື້ອ ອອກຈາກສອງຂ້າງທາງ ແລະ ໄດ້ນໍາເອົາດິນແດງມາຖົມຂຸມຕາມເສັ້ນທາງທີ່ເປ້ເພ.
ຂະບວນການຄັ້ງນີ້, ໄດ້ເລີ່ມຈາກກອງຮ້ອຍຊາຍແດນ 325 ຫາ ຫ້ອງການກະສິ ກຳ-ປ່າໄມ້ເມືອງ ມີໄລຍະທາງ 1,5 ກິໂລແມັດ ເຊິ່ງນອນໃນເຂດເທສະບານເມືອງ ເຊິ່ງການສ້ອມແປງເສັ້ນທາງຄັ້ງນີ້, ແມ່ນໃຊ້ດິນແດງມາຖົມທາງທີ່ເປ່ເພ, ເປັນບວກເປັນຂຸມ ຈໍານວນ 45 ລົດ ຄິດເປັນມູນຄ່າ ທັງໝົດ 9 ລ້ານກວ່າກີບ. ໃນນັ້ນ, ໄດ້ຈາກກອງທຶນພັດທະນາເມືອງ 8 ລ້ານກີບ ແລະ ໄດ້ຈາກການປະກອບສ່ວນຈາກຜູ້ປະກອບການ ແລະ ນັກທຸລະກິດ ຈໍານວນໜຶ່ງ.
ທັງນີ້, ກໍເພື່ອເປັນການສ້າງໃຫ້ເສັ້ນທາງດັ່ງກ່າວ ສາມາດທຽວໄປ-ມາໄດ້ສະດວກສະບາຍ, ພ້ອມນີ້, ກໍ່ໍເພື່ອເປັນການສ້າງຂະບວນການ ຂໍ່ານັບຮັບຕ້ອນໃຫ້ແກ່ວັນສໍາຄັນຂອງພັກ-ຂອງຊາດ, ທັງເປັນການການຜັນຂະຫຍາຍມະຕິກອງປະຊຸມໃຫຍ່ຄັ້ງທີ 5 ຂອງອົງຄະນະພັກເມືອງໄຊພູທອງ ໃຫ້ໄດ້ຮັບຜົນສໍາເລັດຕາມຄາດໝາຍທີ່ວ່າງໄວ້.
Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
