ສະມາຄົມອາສາກູ້ໄພ ນະຄອນຫລວງວຽງຈັນ 1624 ກຽມຈະນຳເອົາເຄື່ອງອຸປະໂພກ, ບໍລິໂພກ ທີ່ໄດ້ຮັບຈາກການລະດົມຈາກສັງຄົມ ໄປມອບໃຫ້ແກ່ ໃຫ້ປະຊາຊົນ ເມືອງຫລາ ແຂວງອຸດົມໄຊ ໃນລະຫວ່າງວັນ 3-9 ກັນຍາ 2022 ນີ້.
ທ່ານນາງ ວົງຈັນ ບົວແພງ ປະທານກວດກາ ສະມາຄົມອາສາກູ້ໄພນະຄອນ ຫລວງວຽງຈັນ 1624, ຮອງປະທານໂຮງແຮມລາວເທວ ໄດ້ໃຫ້ຮູ້ວ່າ: ການຈັດກິດຈະ ກຳລະດົມການບໍລິຈາກຊ່ວຍ ຜູ້ປະສົບໄພນຳຖ້ວມທີ່ເມືອງຫລາ ແຂວງອຸດົມໄຊ ໃນຄັ້ງນີ້, ແນໃສປະກອບສ່ວນຊ່ວຍເຫລືອສັງຄົມ ເຊິ່ງເມືອງຫລາ ແຂວງອຸດົມໄຊ ກຳລັງໄດ້ຮັບຜົນກະທົບຈາກໄພນ້ຳຖ້ວມໃນປີ 2022 ຢ່າງຫລວງຫລາຍ ທັງຊີວິດ ແລະ ຊັບສິນ, ມີປະຊາຊົນຫລາຍຄອບຄົວ ກຳລັງຕ້ອງການຄວາມຊ່ວຍເຫລືອຈາກສັງຄົມ.
ທ່ານນາງ ວົງຈັນ ບົວແພງ ໄດ້ຢືນຢັນວ່າ: ເຄື່ອງທີ່ໄດ້ຮັບຈາກການຊ່ວຍ ເຫລືອໃນຄັ້ງນີ້ ຈະນຳໄປມອບໃຫ້ປະຊາຊົນຜູ້ທີ່ໄດ້ຮັບຜົນກະທົບຈາກໄພນຳຖ້ວມ ໃຫ້ທົ່ວເຖິງ ແນໃສຟື້ນຟູຊີວິດການເປັນຢູ່ຂອງບັນດາຄອບຄົວ ທີ່ໄດ້ຮັບຜົນກະທົບໃຫ້ກັບຄືນສູ່ສະພາບປົກກະຕິໂດຍໄວ.
Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
