ໃນວັນທີ 29 ສິງຫາ 2022 ນິ້, ທ່ານ ພອນທະວີ ໄຊມົນຕີ ກຳມະການ ພັກແຂວງ ເລຂາຄະນະບໍລິຫານງານພັກເມືອງ, ເຈົ້າເມືອງ ເມືອງຂວາ ໄດ້ລົງມອບເຄື່ອງບັນເທົາທຸກສຸກເສີນ ໃຫ້ແກ່ຄອບຄົວທີ່ຖືກຜົນກະທົບ ໄພນໍ້າຖ້ວມຢູ່ບ້ານສີນໄຊ ທີເກີດເຫດໄພນໍ້າຖ້ວ້ມ ໃນວັນທີ 26 ສິງຫາ 2022 ທີ່ຍັງຂາດແຄນອາຫານການກິນ, ເຄື່ອງນຸ່ງຫົ່ມຈຳນວນ 16 ຄອບຄົວ ເພື່ອ ໃຫ້ຄອບຄົວໄດ້ໃຊ້ສຸກເສີນໃນເບື້ອງຕົ້ນ ເຄື່ອງທີ່ນຳມາມອບປະກອບມີ ເຂົ້າສານ, ໝໍ້ແກງ, ສາດປູ, ຖ້ວຍ, ຄຸ, ໝໍນື້ງ, ບວງ, ຜ້າຫົ່ມ ແລະ ອື໋ນໆ ລວມມູນຄ່າ 9.700.000 ກີບ ໃຫ້ກຽດມອບໂດຍ ທ່ານ ພອນທະວີ ໄຊມົນຕີ ເຈົ້າເມືອງ ແລະ ກ່າວຮັບໂດຍຄອບຄົວທີ່ຖືກຜົນກະທົບ.
ໂອກາດນິ້ ທ່ານເຈົ້າເມືອງ ໄດ້ຮຽກຮ້ອງໃຫ້ອົງການປົກຄອງບ້ານຈົ່ງຊ່ວຍ ເຫລືອເຊີ່ງກັນ ແລະ ກັນ ໂດຍສະເພາະແມ່ນໃຫ້ການຊ່ວຍຄອບຄົວທີ່ປະສົບ ຜົນກະທົບ ແລະ ຈະສືບຕໍ່ປຸກລະດົມໃຫ້ການຊ່ວຍເຫລືອຕໍ່ໄປ ພ້ອມທັງ ແນະນຳໃຫ້ປະຊາຊົນຕິດຕາມຕໍ່ກັບສະພາບການທີ່ເກີດຂຶ້ນຢ່າງໃກ້ຊິດ ແລະ ມີສະຕິ. ຈາກນັ້ນ ທ່ານ ເຈົ້າເມືອງ ໄດ້ລົງຕິດຕາມກວດກາຜົນກະທົບ ຢູ່ເຂດຕ່າງໆພາຍໃນບ້ານສິນໄຊ. ປັດຈຸນິ້ ພະນັກງານ-ລັດຖະກອນ ອ້ອມຂ້າງເມືອງຂວາ ພ້ອມດ້ວຍປະຊາຊົນບ້ານໃກ້ເຮືອນຄຽງ ຍັງສືບຕໍ່ ຊ່ວຍເຫລືອຜູ້ຖືກຜົນກະທົບໄພນໍ້າຖ້ວມບ້ານສິນໄຊ ,ບ້ານຫາດນາງ ໂດຍສະເພາະ ແມ່ນເລັ່ງໃສ່ການອະນາໄມ້ມ້ຽນມັດສີ່ງເສດເຫລືອ ແລະ ເລັ່ງໃສ່ແກ້ໄຂເສັນທາງຂອບເຂດບ້ານສິນໄຊ, ບ້ານຫາດນາງ ແລະ ບ້ານລາດຊາງ ທີ່ມີຄວາມຫຍຸ້ງຍາກໃນການສັນຈອນ ປັດຈຸບັນ ມີແຮງງານ ຊ່ວຍເຫລືອຜູ້ຖືກຜົນກະທົບ 3 ວັນທີຜ່ານມາ ລວມທັງໝົດ 1.423 ຄົນ, ຍິງ 469 ຄົນ. ນອກນິ້ຍັງມີບຸກຄົນ, ນິຕິບຸກຄົນ, ບໍລິສັດຫາງຮ້ານທີ່ມີນໍ້າໃຈ ນຳເອົາອາຫານ, ນໍ້າດຶ່ມແຈກຢ້າຍໃຫ້ຜູ້ຖືກຜົນກະທົບຕື່ມອີກ.
ໂອກາດດຽວກັນ ທ່ານເຈົ້າເມືອງ ຍັງໄດ້ລົງອົບອຸ່ນຈິດໃຈຄອບຄົວທີ່ ສູນຫາຍຈາກໄພນໍ້າຖ້ວມ ໜຶ່ງຄູ່ຜົວເມຍ ມີ 2 ຄົນ, ຍິງ 1 ຄົນ ປະຊາຊົນບ້ານກົກພ້າວ (ຫລັກ 11) ກຸ່ມບວມພັນ ພົບຊາກສົບແລ້ວ 1 ສົບ ຢູ່ກິໂລເເມັດທີ 9 ເສັ້ນທາງ 1B ແຕ່ບ້ານສິນໄຊ ຫາບ້ານບວມພັນ, ເປັນເພດ ຍິງ (ຜູ້ເປັນເມຍ), ຍັງສູນຫາຍ ຊອກບໍ່ທັນເຫັນເທື່ອ 1 ຄົນ ເປັນເພດຊາຍ (ຜູ້ເປັນຜົວ) ແລະ ໄດ້ນໍາເອົາເງິນສົດຈຳນວນ 1 ລ້ານ ແລະ ເຄື່ອງຈຳນວນ ໜື່ງມອບໃຫ້ລູກຫລານຂອງຄອບຄົວທີ່ເສຍຊິວິດຕື່ມອີກ. ຈາກນັ້ນ ທ່ານໄດ້ລົງຕິດຕາມກວດກາຜົນກະທົບຢູ່ບ້ານບວມພັນ ແລະ ຕິດຕາມ ການກໍ່ສ້າງຂົວຄືນໃໝ່ ຂອງປະຊາຊົບບ້ານດັ່ງກ່າວ ເພື່ອກະກຽມຄວາມ ພ້ອມໃນການໄຂສົກຮຽນໃໝ່ 2022-2023 ໃນເດືອນກັນຍາທີ່ຈະມາເຖີງນິ້ ແລະ ລົງຕິດຕາມກວດກາຄອບຄົບ ທີ່ຖືກຜົນກະທົບໄພນໍ້າຖ້ວມ ຢູ່ບ້ານ ມອນສະຫວັນຕື່ມອີກ.
ຂ່າວ-ພາບ: ສອນໄຊ ນັກຂ່າວເມືອງຂວາ
