ແຫລ່ງຂ່າວຈາກເມືອງຫົງສາ ແຂວງໄຊຍະບູລີ ໃຫ້ຮູ້ວ່າ: ເມື່ອບໍ່ດົນມານີ້, ຫ້ອງການກະສິກໍາ ແລະ ປ່າໄມ້ເມືອງຫົງສາ ຈັດຝຶກອົບຮົມ ການເຮັດປຸ່ຍບົ່ມຊີວະພາບ, ນໍ້າໝັກຈຸລິນຊີ ແລະ ນໍ້າປາມໂລກ ໃຫ້ແກ່ປະຊາຊົນ 5 ບ້ານຄື: ບ້ານຫ້ວຍຈ້ວງ, ນາປຸ່ງ, ໂພນໄຊ, ບ້ານເມືອງຫານ ແລະ ບ້ານກິ່ວມ່ວງ ເພື່ອຮຽນຮູ້ເຕັກນິກ ການຈັດຕັ້ງປະຕິບັດ ແລະ ການສາທິດຕົວຈິງ ເປັນຕົ້ນ ແມ່ນສ່ວນປະກອບ ແລະ ອຸປະກອນການນໍາໃຊ້, ຂັ້ນຕອນ, ປະໂຫຍດຂອງນໍ້າໜັກໜໍ່ກ້ວຍ, ບາດກ້າວການຜະລິດຝຸ່ຍບົ່ມ, ການເບິ່ງແຍງຮັກສາ, ວິທີເຮັດນໍ້າໜັກສູດປາມໂລກ ແລະ ຂັ້ນຕອນຕ່າງໆ.
ໂອກາດນີ້, ທ່ານ ສາຍພອນ ສີວົງໄຊ ຮອງຫົວໜ້າຫ້ອງການ ກະສິກໍາ ແລະ ປ່າໄມ້ ເມືອງຫົງສາ ຍັງໄດ້ໃຫ້ກຽດໂອ້ລົມ ແລະ ເນັ້ນໃຫ້ສໍາມະນາກອນຈົ່ງພ້ອມກັນນໍາເອົາບົດຮຽນທີ່ໄດ້ຮັບໃນຄັ້ງນີ້ ໄປເຜີຍແຜ່ ແລະ ຈັດຕັ້ງປະຕິບັດຢູ່ໃນກົມກອງ ແລະ ທ້ອງຖິ່ນຂອງຕົນ ໃຫ້ປະກົດຜົນເປັນຈິງ.
ຂ່າວ-ພາບ: ບຸນປອນ
#Medialaos MMD
