ຕາມຂ່າວຈາກ VOVWORLD, ຄະນະ ກຳມະການ ອາຊຽນ ປະຈຳ Canberra (ACC) ໄດ້ຈັດຕັ້ງພິທີ ສະເຫລີມ ສະຫລອງ 55 ປີ ແຫ່ງວັນສ້າງຕັ້ງ ອາຊຽນ ເມື່ອບໍ່ດົນມານີ້ ຈາກນັ້ນ ທ່ານ Chan Rotana ເອກອັກຄະລັດຖະທູດ ກຳປູເຈຍ (ປະທານ ໝູນວຽນຂອງ ACC) ເນັ້ນໜັກວ່າ: ອາຊຽນ ຕັດສິນໃຈ ຮັກສາ ຄວາມສາມັກຄີ ຢ່າງໝັ້ນແກ່ນ ມິຄວາມພະຍາຍາມ ເພື່ອປັບປຸງ ແລະ ຟື້ນຟູ ໂດຍໄວ, ຍືນຍົງ ແລະ ສືບຕໍ່ສ້າງວິໄສທັດ ໃຫ້ແກ່ ໄລຍະຕໍ່ໄປ ຂອງປະຊາຄົມ ອາຊຽນ.
ຂະນະທີ່ ທ່ານ Jan Adams, ຮອງລັດຖະມົນຕີ ຜູ້ປະຈຳການ ກະຊວງ ການຕ່າງປະເທດ ແລະ ການຄ້າ ອົດສະຕຣາລີ ຫວັງວ່າ: ອົດສະຕຣາລີ ແລະ ອາຊຽນ ຈະສືບຕໍ່ ພ້ອມກັນ ປຶກສາຫາລື, ຮ່ວມມືກັນ ຢ່າງແໜ້ນແຟ້ນ, ໝູນໃຊ້ ຂໍ້ຕົກລົງ ດ້ານການຄ້າ ສອງຝ່າຍ ແລະ ຫລາຍຢ່າງ ທີ່ໄດ້ຮັບ ການລົງນາມແລ້ວ ຢ່າງສຸດຂີດ ເພື່ອພ້ອມກັນ ຜ່ານຜ່າ ສິ່ງທ້າທາຍ. ອົດສະຕາລີ ຈະສືບຕໍ່ ປະກອບສ່ວນ ຫລາຍທີ່ສຸດ ຕໍ່ຄວາມມານະ ພະຍາຍາມ ອັນຍິ່ງໃຫຍ່ ຂອງອາຊຽນ ເພື່ອສັນຕິພາບ, ສະຖຽນ ລະພາບ ແລະ ວັດທະນາ ຖາວອນ ຂອງພາກພື້ນ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
