ພະແນກຖະແຫຼງຂ່າວ ວັດທະນະທໍາ ແລະ ທ່ອງ ທ່ຽວ ນະຄອນຫຼວງວຽງຈັນ (ຖວທ ນວ) ຈັດພິທີປະກາດການແຕ່ງຕັ້ງຮອງຫົວໜ້າພະແນກ ຖວທ ນວ ຂຶ້ນໃນຕອນເຊົ້າຂອງມື້ນີ້ທີ່ພະແນກດັ່ງກ່າວ.
ເຂົ້າຮ່ວມໃນພິທີມີ ທ່ານ ບຸນໜາ ຜາທຸມມະວົງ ຫົວໜ້າຄະນະຈັດຕັ້ງ ນະຄອນຫຼວງວຽງຈັນ ທ່ານ ນາງ ວິໄລວອນ ຈັນທະລາຕີ ຫົວໜ້າພະແນກ ຖວທ ນວ ມີພາກສ່ວນກ່ຽວຂ້ອງ ພະນັກງານອ້ອມຂ້າງພະແນກ.
ພິທີປະກາດການແຕ່ງຕັ້ງຕັ້ງຄັ້ງນີ້ ແມ່ນໄດ້ແຕ່ງຕັ້ງໃຫ້ ທ່ານ ແກ້ວວິໄລສັກ ແສນສັກດາ ຫົວໜ້າຂະ ແໜງຈັດຕັ້ງພະນັກງານ ແລະ ທ່ານ ວຽງຄໍາ ສີສຸວົງ ຫົວໜ້າຂະແໜງກວດກາ ເປັນ ຮອງຫົວໜ້າພະແນກ ຖວທ ນວ.
ໂອກາດດັ່ງກ່າວ ທ່ານຫົວໜ້າຄະນະຈັດຕັ້ງ ນະຄອນ ຫຼວງວຽງຈັນ ໄດ້ສະແດງຄວາມຊົມເຊີຍຕໍ່ການປະ ກາດການແຕ່ງຕັ້ງຄັ້ງນີ້ ພ້ອມສະເໜີໃຫ້ຄະນະພັກຮາກຖານ ຄະນະພະແນກ ຖວທ ນວ ຕ້ອງໄດ້ແບ່ງຄວາມຮັບຜິດຊອບຄືນໃໝ່ ໃຫ້ເປັນລະບຽບຈະແຈ້ງ ເພື່ອເຮັດໃຫ້ການຄຸ້ມຄອງບໍລິຫານ ການຈັດຕັ້ງປະ ຕິບັດວຽກງານທີ່ພັກ-ລັດມອບໝາຍ ໃຫ້ສໍາເລັດຕາມຕາມພາລະບົດບາດ.
ພ້ອມນັ້ນທ່ານຍັງເນັ້ນໃຫ້ຄະນະພັກຮາກຖານ ຄະ ນະນໍາພະແນກສືບຕໍ່ຊີ້ນໍາ ນໍາພາພະນັກງານ ສະມາ ຊິກພັກຢູ່ໃນຄວາມຮັບຜິດຊອບ ເພື່ອສືບຕໍ່ພັດທະ ນາບຸຄະລາກອນ ແລະ ຊັບຊ້ອນໃຫ້ສອດຄ່ອງກັບໜ້າວຽກ ແລະ ອີກຫຼາຍບັນຫາ ເພື່ອເຮັດໃຫ້ຂົງເຂດວຽກງານ ຖວທ ໃນນະຄອນຫຼວງສືບຕໍ່ພັດທະນາ ແລະ ຂະຫຍາຍຕົວຢ່າງຕໍ່ເນື່ອງ.
