ເມື່ອກ່າວເຖິງສະໝຸນໄພວ່າເປັນສ່ວນໜຶ່ງຂອງຊີວິດເຮົາກໍບໍ່ແມ່ນເລື່ອງແປກ ເພາະນັບທັງອາຫານທີ່ບໍລິໂພກແຕ່ລະມື້ລ້ວນແຕ່ມີສ່ວນປະສົມຈາກພືດສະໝຸນໄພ ທີ່ຊ່ວຍໃຫ້ອາຫານຂອງເຮົາມີລົດຊາດອັນແຊບຊ້ອຍ ແລະ ສັບພະຄຸນອັນລົ້ນເຫຼືອ ນອກຈາກຈະນຳມາເປັນສ່ວນປະສົມຂອງອາຫານແລ້ວ ເຮົາຍັງສາມາດນຳມາປຸງເປັນນ້ຳຢາເພື່ອດື່ມແກ້ອາການຕ່າງໆໄດ້ ເຊິ່ງລ້ວນແຕ່ເປັນສິ່ງໃກ້ຕົວທີ່ຫາໄດ້ງ່າຍໆຈາກສວນຄົວ ແລະ ຫາຊື້ໄດ້ຕາມຕະຫຼາດໃກ້ບ້ານ
– ນ້ຳສະໝຸນໄພຫົວສີໄຄ: ຫົວສີໄຄມີວິຕາມິນເອ ທີ່ຊ່ວຍບຳລຸງສາຍຕາ ແລະ ຍັງມີແຄລຊ່ຽມ ແລະ ຟອສຟໍັສ ຊ່ວຍບຳລຸງກະດູກ ແລະ ແຂ້ວໃຫ້ແຂງແຮງ, ຊ່ວຍແກ້ທ້ອງອືດ, ໄລ່ລົມ, ຫຼຸດຄວາມດັນໂລຫິດສູງ, ຊ່ວຍຂັບໄລ່ເຫື່ອ ແລະ ພິດຂອງສານແປກປອມໃນຮ່າງກາຍ ເຊິ່ງວິທີເຮັດສະໝຸນໄພແມ່ນພຽງແຕ່ນຳເອົາຫົວສີໄຄປະມານ 3-5 ຕົ້ນມາຫັ່ນເປັນທ່ອນ ແລ້ວນຳມາທຸບໃຫ້ແຫຼກ ຈຶ່ງນຳມາຕົ້ມໂດຍໃຊ້ນ້ຳປະມານເຄິ່ງລິດພໍຟົດ ແລ້ວນຳເອົາຫົວສີໄຄອອກ ແລະ ສຸດທ້າຍນຳເອົາໄປຕົ້ມອີກປະມານ 3-5 ນາທີ ຫຼັງຈາກນັ້ນ ສາມາດນຳມາດື່ມໄດ້ເລີຍ.
– ນ້ຳຂິງ ຫຼື ຊາຂີງ: ຄວນເລືອກຂິງທີ່ບໍ່ແກ່ ຫຼື ອ່ອນເກີນໄປ ນຳມາລ້າງໃຫ້ສະອາດທຸບໃຫ້ແຫຼກພໍປະມານ ແລ້ວນຳຂິງໃສ່ນ້ຳກຳລັງຟົດ ແລ້ວປະໄວ້ປະມານ 2-5 ນາທີ ຫາກຕົ້ມດົນເກີນໄປຈະເຮັດໃຫ້ກິ່ນຫອມຈາງລົງ. ນ້ຳຂິງຈະຊ່ວຍແກ້ໄອ, ຊ່ວຍຫຼຸດອາການທ້ອງອືດ, ແກ້ອາການເມົາລົດລວມເຖິງແກ້ປວດຂໍ້.
– ນ້ຳສົ້ມພໍດີ: ຄັດເອົາດອກສີແດງ ແລ້ວນຳມາຄັດເອົາກີບປະມານ 1 ຂີດເຄິ່ງ ມາຕົ້ມໂດຍໃສ່ນ້ຳປະມານ 3-4 ລິດ ໃຊ້ເວລາຕົ້ມປະມານ 30-40 ນາທີ ຈົນນ້ຳເປັນສີແດງແລ້ວຈຶ່ງກອງກາກອອກ. ນ້ຳສົ້ມພໍດີຈະຊ່ວຍອາການປວດເມື່ອຍ, ແກ້ໄຂ້, ໃຫ້ຄວາມສົດຊື່ນແກ່ຮ່າງກາຍ.
– ນ້ຳຫຍ້າໜວດແມວ: ການນຳເອົາຫຍ້າໜວດແມວມາເຮັດນ້ຳສະໝຸນໄພແມ່ນເອົາສ່ວນຕົ້ນ ແລະ ດອກ ມາຫັ່ນເປັນຕ່ອນນ້ອຍໆ ຫຼັງຈາກນຳມາຕາກໃຫ້ແຫ້ງເພື່ອເອົາໄວ້ຕົ້ມດື່ມ. ນ້ຳຫຍ້າໜວດແມວຈະຊ່ວຍຫຼຸດອາການປວດເມື່ອຍ ແລະ ຊ່ວຍຮັກສາໂລກໄຕ…
– ນ້ຳຜັກຕຳນິນ: ນຳໃບຜັກຕຳນິນມາລ້າງໃຫ້ສະອາດແລ້ວນຳມາປັ່ນ ໃສ່ນ້ຳຕົ້ມເຄິ່ງໜຶ່ງຂອງໂຖປັ່ນ ຫຼັ້ງຈາກປັ່ນລະອຽດແລ້ວຈຶ່ງນຳມາຕອງເອົາແຕ່ນ້ຳ ແລະ ຕື່ມເອົາເກືອ, ນ້ຳໝາກນາວຕາມໃຈມັກ. ນ້ຳຜັກຕຳນິນອຸດົມໄປດ້ວຍວິຕາມິນເອທີ່ຊ່ວຍບຳລຸງສາຍຕາ, ມີແຄລຊ່ຽມ ແລະ ຟອສຟໍຣັສທີ່ຊ່ວຍບຳລຸງກະດູກ, ມີວິຕາມິນຊີຊ່ວຍຮັກສາອາການເລືອດອອກຕາມແຂ້ວ
– ນ້ຳໃບເຕີຍ: ນຳໃບມາລ້າງໃຫ້ສະອາດແລ້ວນຳມາຫັ່ນເປັນຕ່ອນໃສ່ໝໍ້ແລ້ວຕົ້ມດ້ວຍນ້ຳສະອາດຈົນກວ່າສີຂອງໃບເຕີຍຈາງລົງ ຈຶ່ງຕອງໃບເຕີຍອອກ ຫຼັງຈາກນັ້ນນຳເອົາເກືອ 1 ບ່ວງກາເຟ ຕາມດ້ວຍນ້ຳເຊື່ອມແລ້ວນຳໄປຕົ້ມອີກປະມານ 5 ນາທີ. ນ້ຳໃບເຕີຍຈະຊ່ວຍບຳລຸງຫົວໃຈ
– ນ້ຳຫົວຂ່າ: ນຳເອົາຂ່າແຫ້ງທີ່ຕາກແລ້ວໃສ່ຖ້ວຍປະມານ 4-5 ປ່ຽງ ແລ້ວເອົານ້ຳຮ້ອນເທໃສ່ປະມານຂ້ອນຖ້ວຍແລ້ວຈຶ່ງປິດຝາປະມານ 4-5 ນາທີຈຶ ຫຼັງຈາກນັ້ນນຳມາດື່ມ ຖ້າຈະໃຫ້ດີຄວນດື່ມ 2-3ຖ້ວຍຕໍ່ມື້ ຫຼື ອາດນຳເອົາຂ່າສົດປະມານ 10-12 ປ່ຽງ ມາທຸບໃຫ້ແຫຼກແລ້ວນຳມາຕົ້ມເພື່ອດື່ມກໍໄດ້ເຊັ່ນກັນ. ນ້ຳຫົວຂ່າເປັນຢາຂັບລົມຈາກລຳໄສ້ໄດ້ດີ, ແກ້ອາການທ້ອງອືດ, ທ້ອງ
