ຂ່າວຈາກ CRI: ໃນກອງປະຊຸມມາດຕະຖານສາກົນ 2022 ທີ່ຈັດຂຶ້ນໃນວັນທີ 20 ສິງຫາ, ຄະນະກຳມະການໄຟຟ້າສາກົນ ຫຼື IEC ສະເໜີວ່າ: ໃຫ້ປະເທດຈີນເປັນຜູ້ນຳໃນການສ້າງລະບົບຂອບມາດຕະຖານສາກົນລະບົບທຳອິດດ້ານເຕັກນິກສຳຄັນຂອງລະບົບພະລັງງານໄຟຟ້າແບບໃໝ່ຂອງໂລກ, ເພື່ອເລັ່ງລັດສ້າງລະບົບພະລັງງານໄຟຟ້າແບບໃໝ່, ຊຸກຍູ້ການໃຊ້ພະລັງງານສະອາດ ແລະ ກາກບອນຕ່ຳ.
ລະບົບພະລັງງານໄຟຟ້າແບບໃໝ່ ແມ່ນລະບົບໄຟຟ້າທີ່ຕົ້ນຕໍໃຊ້ພະລັງງານຈາກແຮງລົມ, ພະລັງ ງານແສງຕາເວັນ, ພະລັງງານນິວເຄຣຍ, ພະລັງງານຊີວະພາບ ແລະ ພະລັງງານອື່ນໆ, ມີພະລັງງານຫຼາຍປະເພດຊ່ວຍຊູຍູ້ໜູນກັນ ແລະ ສະໜັບສະໜູນການໃຊ້ພະລັງງານໄຟຟ້າໃນລະດັບສູງຂອງທົ່ວສັງ ຄົມ, ແມ່ນເວທີສຳຄັນທີ່ຊຸກຍູ້ການໃຊ້ພະລັງງານທີ່ສະອາດ ແລະ ກາກບອນຕ່ຳ.
ຄະນະກຳມະການໄຟຟ້າສາກົນກ່າວວ່າ: ກຳລັງຕິດຕັ້ງ ແລະ ການຜະລິດໄຟຟ້າດ້ວຍພະລັງງານ ໃໝ່ຂອງຈີນເປັນອັນດັບທີໜຶ່ງຂອງໂລກມາຫຼາຍປີລຽນຕິດ, ຂະໜາດການຕະຫຼາດ ແລະ ຂະໜາດອຸດສາ ຫະກຳການຜະລິດໄຟຟ້າແຮງລົມ, ໄຟຟ້າແສງຕາເວັນ ແລະ ການຜະລິດເບັດເຕີຣີລີຣຽມ ກໍເປັນອັນດັບທີໜຶ່ງຂອງໂລກຢ່າງໝັ້ນທ່ຽງ, ມີທ່າແຮງດ້ານເຕັກນິກ ແລະ ອຸດສາຫະກຳໃນການນຳພາການພັດທະນາລະ ບົບພະລັງງານໄຟຟ້າແບບໃໝ່. ໃຫ້ປະເທດຈີນນຳພາການຄົ້ນຄວ້າຍຸດທະສາດການຫັນເປັນມາດຕະຖານສາກົນ ແລະ ລະບົບຂອບມາດຕະຖານສາກົນຂອງລະບົບພະລັງງານໄຟຟ້າແບບໃໝ່ ຈະມີຜົນດີຕໍ່ການປ່ຽນແປງໂຄງປະກອບພະລັງງານຂອງໂລກ.
#Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)
