ຕາມຂ່າວຈາກ ຊິນຮວາ, ຂະບວນລົດໄຟຄວາມໄວສູງ ແລະ ລົດໄຟລາດຕະເວນທີ່ສົມບູນແບບທີ່ໄດ້ຮັບການຜະລິດ ສຳລັບ ທາງລົດໄຟ ຄວາມໄວສູງສາຍ ຈາກາຕາ-ບັນດຸງ (Jakarta-Bandung) ໃນອິນໂດເນເຊຍ ໄດ້ຮັບການຂົນສົ່ງຈາກທ່າກຳປັ່ນ ຊີງເຕົາ ແຂວງຊານຕົງ ທາງຕາເວັນອອກຂອງຈີນ ເມື່ອບໍ່ດົນມານີ້ ຊຶ່ງເປັນສ່ວນໜຶ່ງ ໃນແຜນລິເລີ່ມ ໜຶ່ງແລວໜຶ່ງເສັ້ນທາງ (BRI) ໂດຍລົດໄຟຊຸດທຳອິດຈະສົ່ງມອບຮອດນະຄອນຫລວງ ຈາກາຕາ ພາຍໃນທ້າຍເດືອນນີ້ ແລະ ຈະຈັດຕັ້ງປະຕິບັດການຂົນສົ່ງມອບລົດໄຟສ່ວນທີ່ເຫລືອທັງໝົດ ໂດຍແບ່ງອອກເປັນຊຸດ ພາຍໃນຕົ້ນປີໜ້າ.
ໂດຍຂະບວນລົດໄຟ ດັ່ງກ່າວ ໃຊ້ເຕັກໂນໂລຊີທີ່ກ້າວໜ້າ ຂອງລົດໄຟແບບຫົວລູກປືນ ຟູ່ຊີງ ແລະ ມີຄວາມໄວ ສູງສຸດ 350 ກິໂລແມັດ ຕໍ່ຊົ່ວໂມງ ໄດ້ຮັບການອອກແບບ ແລະ ຜະລິດຕາມມາດຕະຖານຈີນ ແລະ ປັບໃຫ້ເຂົ້າກັບສະພາບແວດລ້ອມ ການປະຕິບັດງານສະພາບເສັ້ນທາງ ລວມທັງ ວັດທະນະທໍາທ້ອງຖິ່ນຂອງອິນໂດເນເຊຍ.
ສຳລັບ ເສັ້ນທາງ ລົດໄຟ ຄວາມໄວສູງ ຈາກາຕາ-ບັນດຸງຈະເຊື່ອມຕໍ່ ຈາກາຕາ ແລະ ບັນດຸງເມືອງທ່ອງທ່ຽວ ທີ່ມີຊື່ສຽງ ຂອງອິນໂດເນເຊຍດ້ວຍໄລຍະທາງ ທັງໝົດ 142 ກິໂລແມັດ.
#Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
