ກົມສາສະໜາ ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມສະຫຼຸບການເຄື່ອນໄຫວຂອງຄະນະທີ່ປຶກສາວຽກງານສາສະໜາ ປະຈໍາ 6 ເດືອນຕົ້ນປີ ແລະ ທິດທາງແຜນການປະຈໍາປີ 6 ເດືອນທ້າຍປີ 2022 ຂອງຄະນະທີ່ປຶກສາວຽກງານສາສະໜາ ເມື່ອບໍ່ດົນມານີ້ ທີ່ສູນກາງແນວລາວສ້າງຊາດ, ໂດຍການເປັນປະທານຂອງ ທ່ານ ນາງ ຄໍາຈັນ ພົມແສງສະຫວັນ ຮອງປະທານຜູ້ບໍ່ປະຈໍາການ ຫົວໜ້າຄະນະທີ່ປຶກສາວຽກງານສາສະໜາ ສູນກາງແນວລາວສ້າງຊາດ, ມີຄະນະທີ່ປຶກສາວຽກງານສາສະໜາ, ຄູ່ຮ່ວມງານຕ່າງໆ ແລະ ຕາງໜ້າບັນດາກົມ ພ້ອມດ້ວຍພະນັກງານຂອງກົມສາສະໜາເຂົ້າຮ່ວມ.
ທ່ານ ຄະນອງລິດ ສີສົມບູນ ຄະນະປະຈໍາ ຫົວໜ້າກົມສາສະໜາ ໄດ້ຜ່ານບົດສະຫຼຸບການເຄື່ອນໄຫວວຽກງານ ປະຈໍາ 6 ເດືອນຕົ້ນປີ ແລະ ທິດທາງແຜນການເຄື່ອນໄຫວວຽກງານສາສະໜາ ປະຈໍາປີ 6 ເດືອນທ້າຍປີ 2022 ຊຶ່ງໄດ້ຍົກໃຫ້ເຫັນເຖິງການຈັດຕັ້ງປະຕິບັດວຽກງານສາສະໜາ, ຜົນງານ ເຫັນດ້ານດີ-ດ້ານຄົງຄ້າງບາງບັນຫາ; ພ້ອມກັນນີ້, ຍັງໄດ້ຮັບຟັງບົດສະຫຼຸບການເຄື່ອນໄຫວຂອງຄະນະທີ່ປຶກສາວຽກງານສາສະໜາ ປະຈໍາ 6 ເດືອນຕົ້ນປີ ແລະ ທິດທາງແຜນການ ປະຈໍາ 6 ເດືອນທ້າຍປີ ພ້ອມດຽວກັນນັ້ນ, ບັນດາທ່ານທີ່ເຂົ້າຮ່ວມກອງປະຊຸມຍັງໄດ້ປະກອບຄຳຄິດຄຳເຫັນຕໍ່ເນື້ອໃນ ຂອງແຕ່ລະເອກະສານດັ່ງກ່າວຢ່າງກົງໄປກົງມາ ເປັນຕົ້ນແມ່ນບັນດາຜົນງານ, ດ້ານອ່ອນ ແລະ ຂໍ້ຄົງຄ້າງທີ່ຈະຕ້ອງໄດ້ສືບຕໍ່ເອົາໃຈໃສ່ແກ້ໄຂ, ປັບປຸງ ໃຫ້ດີຂຶ້ນກວ່າເກົ່າ.
ຂ່າວ-ພາບ: ໄຊວ່າງ
