ຕາມຂ່າວຈາກ VOVWORLD, ເມື່ອບໍ່ດົນມານີ້, ຕາມຕົວເລກ ຂອງກົມໃຫຍ່ ພາສີຈີນ ເປີດເຜີຍວ່າ: ການນຳເຂົ້າ ນ້ຳມັນ ຂອງຣັດເຊຍ, ລວມທັງ ບັນດາແຫລ່ງ ສະໜອງ ຜ່ານ ລະບົບ ທໍ່ສົ່ງ Siberia ຕາເວັນອອກ ປາຊີຟິກ ແລະ ຜ່ານກ່ຳປັ່ນ ທະເລ ຈາກທ່າກຳປັ່ນ ຕາເວັນອອກໄກ ແລະ ເອີຣົບ ຂອງ ຣັດເຊຍ, ລວມທັງໝົດ 7,15 ລ້ານໂຕນ, ເພີ່ມຂຶ້ນ 7,6% ເມື່ອທຽບໃສ່ປີກາຍ. ປະລິມານ ນ້ຳມັນ ທັງໝົດທີ່ ຣັດເຊຍ ສະໜອງ ໃນເດືອນກໍລະກົດ ຜ່ານມາ ແມ່ນປະມານ 1,68 ລ້ານຖັງ ຕໍ່ວັນ, ຕ່ຳກວ່າ ລະດັບ ສະຖິຕິ ແມ່ນເກືອບ 2 ລ້ານຖັງ ຕໍ່ວັນ ໃນເດືອນ ພຶດສະພາ. ຈີນ ຍັງເປັນລູກຄ້າ ຊື້ນ້ຳມັນ ລາຍໃຫຍ່ທີ່ສຸດ ຂອງຣັດເຊຍ.ຄິດສະເລ່ຍ ນັບແຕ່ຕົ້ນ ປີມານີ້, ປະລິມານ ນ້ຳມັນ ຈີນນຳເຂົ້າຈາກ ຣັດເຊຍ ໄດ້ຂຶ້ນເຖິງ 48,45 ລ້ານໂຕນ, ເພີ່ມຂຶ້ນ 4,4% ເມື່ອທຽບໃສ່ ປີກາຍ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫງ ລາດປາກດີ
