ຕາມໜັງສືພິມ ຈຽນຮວາເດຣີ ຂອງກຳປູເຈຍ ລາຍງານ ເມື່ອບໍ່ດົນມານີ້ວ່າ: ລັດຖະບານ ກຳປູເຈຍ ພວມວາງນະໂຍບາຍ ດ້ານການທ່ອງທ່ຽວ ເປັນພິເສດ ລາຍການໜຶ່ງ ເພື່ອສາມາດ ຊຸກຍູ້ ການທ່ອງທ່ຽວ ດ້ານການຄ້າ, ເພາະວ່າ ນັກທ່ອງທ່ຽວ ການຄ້າ ມັກຈະຄ້າງຄືນ ຢູ່ກຳປູເຈຍ ເປັນເວລາດົນກວ່າ ນັກທ່ອງທ່ຽວ ທຳມະດາ. ກະຊວງ ທ່ອງທ່ຽວ ກຳປູເຈຍ ໄດ້ຈັດກອງປະຊຸມ ສຳມະນາ ເພື່ອປຶກສາຫາລື ຢ່າງລະອຽດ ກ່ຽວກັບ ເລື່ອງທີ່ກ່ຽວຂ້ອງ ກັບການວາງ “ນະໂຍບາຍ ດ້ານການທ່ອງທ່ຽວ ເປັນພິເສດ”. ນອກນີ້, ນະໂຍບາຍ ດັ່ງກ່າວ ຍັງຈະສຸມໃສ່ ດຶງດູດ ນັກທ່ອງທ່ຽວ ທຳມະດາ ໃຫ້ກາຍມາ ເປັນນັກທ່ອງທ່ຽວ ທີ່ມີຄຸນນະພາບສູງ ເຊິ່ງໝາຍຄວາມວ່າ ປ່ຽນນັກທ່ອງທ່ຽວ ທຳມະດາ ເຫລົ່ານີ້ ເປັນນັກທ່ອງທ່ຽວ ການຄ້າ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
