ວິທະຍຸກະຈາຍສຽງຫວຽດນາມລາຍງານເມື່ອ ວັນທີ 14 ສິງຫາ ຜ່ານມາ, ທ່ານ ຊູຮາໂຊ ໂມໂນອານຟາ ລັດຖະມົນຕີກະຊວງແຜນການ ແລະ ພັດທະນາ ອິນໂດເນເຊຍ ໃຫ້ຮູ້ວ່າ: ກຸ່ມບັນດາພື້ນຖານເສດຖະກິດພັດທະນາ ແລະ ພົ້ນເດັ່ນແຖວໜ້າໂລກ (G20) ໄດ້ເຫັນດີເປັນເອກະພາບເພີ່ມທະວີລັດທິຫຼາຍຝ່າຍ ແລະ ຊຸກຍູ້ການສ້າງກອງທຶນຊ່ວຍເຫຼືອວິວັດການພັດທະນາໃຫ້ແກ່ບັນດາປະເທດດ້ອຍພັດທະນາ, ກໍາລັງພັດທະນາ ແລະ ບັນດາປະເທດເກາະນ້ອຍ. ຄຳໝັ້ນສັນຍາດັ່ງກ່າວ ໄດ້ຍົກອອກມາໃນກອງປະຊຸມກຸ່ມປະຕິບັດການພັດທະນາ G20 (DWG) ຄັ້ງທີ 3, ຊຶ່ງໄດ້ຈັດຂຶ້ນຢູ່ເກາະບາລີ ປະເທດ ອິນໂດເນເຊຍ ເມື່ອວັນທີ 10 – 12 ສິງຫາຜ່ານມາ.
ໃນກອງປະຊຸມຄັ້ງນີ້, ບັນດາປະເທດສະມາຊິກ G20 ໄດ້ແລກປ່ຽນ ແລະ ແບ່ງປັນທັດສະນະກ່ຽວກັບລັດທິຫຼາຍຝ່າຍ, ການເຕີບໂຕຂອງບັນດາປະເທດ ແລະ ບັນດາແຜນການພັດທະນາ ເພື່ອແນໃສ່ບັນລຸບັນດາເປົ້າໝາຍພັດທະນາແບບຍືນຍົງ (SDGs). ກຸ່ມປະຕິບັດການພັດທະນາ G20 ໄດ້ປືກສາຫາລືກ່ຽວກັບຍຸດທະສາດຫຼຸດຜ່ອນພະຍາດລະບາດໂຄວິດ – 19, ຊຸກຍູ້ວິສາຫະກິດຂະໜາດນ້ອຍ ແລະ ກາງ, ກໍຄືດ້ານພະລັງງານ ແລະ ການຫັນເປັນດີຈີຕອນ.
#Medialaos MMD (ແຫູ່ງຂໍ້ມູນຈາກ: ໜັງສືພິມ ປະຊາຊົນ)
