ອິງຕາມການລາຍງານຂອງທ່ານ ເຈົ້າເມືອງ ວາປີ ແລະ ທ່ານ ຮອງເລຂາພັກເມືອງໆ ຄົງເຊໂດນ ທີ່ໄດ້ລາຍງານຕໍ່ທ່ານ ເຈົ້າແຂວງໆ ສາລະວັນ ໃນການລົງເຄື່ອໄຫວເຮັດວຽກຕິດຕາມໂຄງການກໍ່ສ້າງສ້ອມແປງຊົນລະປະທານ ໃນວັນທີ 12 ສິງຫາ 2022 ທີ່ຜ່ານມານີ້, ເຊິ່ງທັງສອງເມືອງນີ້ໄໄດ້ຮັບຜົນກະທົບຈາກໄພທໍາມະຊາດນໍ້າຖວ້ມມີ 82 ບ້ານ ໃນຕົ້ນເດຶອນ ສິງຫາ 2022
ໃນນັ້ນສຳລັບເມືອງ ວາປີ ມີ 28 ບ້ານ ແລະມີ 5.169 ຄອບຄົວ, ມີເນື້ອທີ່ທຳການຜະລິດຖືກຜົນກະທົບ 6.824 ເຮັກຕາ ແລະ ມີຊົນລະປະທານເປເພເສຍຫາຍຫຼາຍແຫ່ງເປັນຕົ້ນຝ່າຍນໍ້າລົ້ນຫ້ວຍຕານ ບ້ານ ຂະເໜົາ, ອ່າງເກັບນໍ້າຫ້ວຍຍາງ ບ້ານ ນາໂພ, ອ່າງເກັບນໍ້າ ບ້ານ ໜອງເຜີງ, ສັນຝ່າຍຄູກັນນໍ້າ ບ້ານ ນາສຽດ, ເຮືອແພ່ຈັກສູບນໍ້າດ້ວຍໄຟຟ້າ ໂຄງການບ້ານວາປີເໜືອ ແລະໜອງປາ 300 ໜອງ ລວມມູນຄ່າເສຍຫາຍທັງໝົດ ໃນຂົງເຂດກະສີກຳ 720.000.000 ກີບ, ນອກຈາກນັ້ນກໍ່ຍັງເສັ້ນທາງ ແລະຂົວເສຍຫາຍເປັນຈຳນວນຫຼວງຫຼາຍລວມມູນຄ່າການເສຍຫາຍທັງໝົດດ້ານໂຍທາທິການ ແລະຂົນສົ່ງ 4.718.298.000 ກີບ
ສ່ວນເມືອງ ຄົງເຊໂດນ ແມ່ນມີ 54 ບ້ານໄດ້ຮັບຜົນກະທົບນຳຖ້ວມ, ມີເນື້ອທີນາປີຖືກຖ້ວມ 2.416 ເຮັກຕາ ແລະມີ 2 ພັນກວ່າຄອບຄົວ, ເນື້ອທີ່ປູກພຶດ 275 ເຮັກຕາ, ໜອງປາ 298 ໜອງ, ສັດລ້ຽງປະເພງົວ, ຄວຍ, ແບ້ 2.788 ໂຕ, ສັດປີ 13.500 ໂຕ, ໜູ 4.575, ໂຮງຮຽນມີ 3 ຫຼັງຄື: ໂຮງຮຽນປະຖົມ ບ້ານ ຫາດຊາຍຄຳ, ໂຮງຮຽນປະຖົມ ບ້ານ ຕານດ່ຽວ ແລະໂຮງຮຽນມູນຫາດນາດູ, ນອກນັ້ນກໍ່ຍັງມີເສັ້ນທາງ 11 ເສັ້ນ, ຂົວໄມ້ 2 ແຫ່ງ ແລະຊົນລະປະທານຊົນ 2 ແຫ່ງຄື: ຊົນລະປະທານແກ້ງຫວດ ແລະຊົນລະປະທານນາທຶນ
ໃນໂອກາດດຽວກັນນັ້ນນັ້ນທ່ານ ເຈົ້າແຂວງໆ ສາລະວັນ ຍັງໄດ້ມີຄຳເຫັນ ຕໍ່ຄະນະນຳທັງ 2 ເມືອງ ເອົາໃຈໃສ່ໃນການຕ້ານແລ້ງ-ຕ້ານຖວ້ມເພາະວ່າໃນໄລຍະນີ້ກໍ່ເປັນໄລຍະລະດູຝົນ, ເອົາໃຈໃສ່ໃນການໂຄສະນາແຈ້ງເຕືອນ ແລະຕິດຕາມຂໍ້ມູນຂ່າວສານຕ່າງໆເພື່ອກຽມຄວາມພ້ອມຕະຫຼອດເວລາໃນການຮັບມືຈາກໄພພິບັດຕ່າງໆທີ່ອາດຈະເກີດຂື້ນຈາກທຳມະຊາດ ແລະເພື່ອຫຼີກລ້ຽງຈາກຜົນເສຍຫາຍດັ່ງກ່າວໃຫ້ມີໜ້ອຍທີ່ສຸດ, ເອົາໃຈໃສ່ສຸ້ມໃສ່ຕ້ານພະຍາດລະບາດຕາມລະດຸການ, ສິງສຳຄັນຕ້ອງໃຫ້ປະຊາຊົນມີສ່ວນຮ່ວມໃນຂະບວນການດັ່ງກ່າວ
ພາບຂ່າວ: ສິດຕາ ເພັດວົງສາ
#Medialaos MMD
