ກອງພັນໃຫຍ່ 11 ຜ່ານແຜນການກະກຽມເຄື່ອນທັບ ປະຈຳປີ 2021-2022 ຂຶ້ນໃນຫວ່າງບໍ່ດົນຜ່ານມາ, ພາຍໃຕ້ການເປັນປະທານຂອງສະຫາຍ ພັນເອກ ກົງທອງ ສຸຂະວົງ ເລຂາຄະນະພັກ ຫົວໜ້າການທະຫານກອງພັນໃຫຍ່ 11, ມີສະຫາຍ ພັນເອກ ພອນມີໄຊ ສີວົງຊຳ ຮອງເລຂາຄະນະພັກ ຫົວໜ້າການເມືອງ ພ້ອມດ້ວຍຄະນະພັກ-ຄະນະບັນຊາກອງພັນໃຫຍ່, ກອງພັນນ້ອຍ, ກອງຮ້ອຍ ແລະ ໝວດ ເຂົ້າຮ່ວມ.
ສະຫາຍ ພັນໂທ ໂພທະເລ ທຳມະວົງສາ ຫົວໜ້າຂະແໜງສູ້ຮົບ ກອງພັນໃຫຍ່ 11 ໄດ້ຂຶ້ນຜ່ານແຜນການບັນຊາກຳລັງໄປເຂດເຕົ້າໂຮມປິດລັບ. ຈຸດປະສົງແມ່ນເພື່ອປະຕິບັດຕາມທິດທາງປັບປຸງກໍ່ສ້າງກຳລັງທີ່ ກະຊວງປ້ອງກັນປະເທດວາງອອກ ໃຫ້ກາຍເປັນກຳລັງທີ່ເຂັ້ມແຂງ ມີລະບຽບວິໄນ ທັນສະໄໝ ແລະ ສອດຄ່ອງກັບຈຸດພິເສດໜ້າທີ່ການເມືອງຂອງກົມກອງ ແລະ ປະຕິບັດຕາມທິດຊີ້ນຳຂອງກົມສູ້ຮົບກົມໃຫຍ່ເສນາທິການກອງທັບ ວ່າດ້ວຍວຽກງານກຽມພ້ອມສູ້ຮົບເຄື່ອນໄຫວສູ້ຮົບໃນກຳລັງປະກອບອາວຸດໃຫ້ມີຄວາມເຂັ້ມແຂງ ພ້ອມທັງແນ່ໃສ່ຍົກສູງຄຸນນະພາບທາງດ້ານການເມືອງແນວຄິດແບບແຜນການຊີ້ນຳບັນຊາປັບປຸງລະບຽບວິໄນເພື່ອຕອບສະໜອງໃຫ້ການກຽມພ້ອມເຄື່ອນໄຫວສູ້ຮົບ ແລະ ເຮັດສຳເລັດໜ້າທີ່ຕາແຜນການຕາມຄຳສັ່ງຂອງຂັ້ນເທີງທີ່ໄດ້ຮັບມອບໝາຍ.
ສະຫາຍ ພັນເອກ ກົງທອງ ສຸຂະວົງ ໄດ້ກ່າວຕື່ມວ່າ: ການຈັດຕັ້ງບັນຊາກຳລັງໄປເຂດເຕົ້າໂຮມປິດລັບເຊື່ອຊ້ອນກຳລັງໃນຄັ້ງນີ້ກໍ່ເພື່ອເສີມຂະຫຍາຍມູນເຊື້ອນ້ຳໃຈປະຕິວັດ, ນ້ຳໃຈຮັກຊາດເອົາໃຈໃສ່ຝຶກຝົນຫຼໍ່ຫຼອມຕົນເອງຕັ້ງໜ້າເປັນເຈົ້າການປະຕິບັດຄຳສັ່ງຂໍ້ກຳນົດກົດລະບຽບວິໄນຢູ່ກົມກອງກໍຄືສະໜາມຮົບໃຫ້ເຂັ້ມງວດພ້ອມທັງເພີ່ມໃຫ້ພະນັກງານ-ນັກຮົບຍົກສູງຄວາມຮັບຜິດຊອບ, ຄວາມສາມາດຕໍ່ໜ້າທີ່ຂອງກົມກອງ ແລະ ສາມາດຕັດສິນໃຈຜ່ານຜ່າຄວາມຫຍຸ້ງຍາກປຸກລະດົມນ້ຳໃຈຕັ້ງໜ້າຂອງນາຍ ແລະ ພົນທະຫານ ເດັດດ່ຽວທົນທານອາດຫານບັນຊາກົມກອງໄປເຖິງຈຸດໝາຍຂະຫຍາຍກຳລັງເຂົ້າໃຫ້ຖືກບ່ອນທີ່ໄດ້ກຳນົດໄວ້, ຄະນພັກ-ຄະນະບັນຊາແຕ່ລະຂັ້ນຕ້ອງເປັນເຈົ້າການຊີ້ນຳບັນຊາກົມກອງຢ້າງໃກ້ຊິດຮັບປະກັນຄຸ້ມຄອງຈຳນວນພົນ, ອາວຸດຍຸດໂທປະກອນພາຫະນະເຕັກນິກບໍ່ໃຫ້ເປ່ເພຕົກເຮ່ຍເສຍຫາຍ ແລະ ຮັບປະກັນຄວາມປອດໄພ.
ໂດຍ: ປິ່ນ ຂຸນພົນ
