ຕາມຂ່າວຈາກ CRI ການແຂ່ງຂັນ ເຕະບານໂລກ ກາຕາ ຈະຈັດຂຶ້ນໃນວັນທີ 20 ພະຈິກປີນີ້, ປັດຈຸບັນວຽກງານກະກຽມ ໄດ້ເຂົ້າສູ່ໄລຍະສຸດທ້າຍແລ້ວ, ໃນດ້ານສິ່ງກໍ່ສ້າງສະໜາມກິລາ ແລະ ຄົມມະນາຄົມ ທີ່ປະກອບຊຸດໂດຍກາຕາ ໄດ້ນຳໃຊ້ ເຕັກນິກອະນຸລັກສິ່ງແວດລ້ອມ ແລະ ອຸປະກອນປະຢັດພະລັງງານຈຳນວນຫລວງຫລາຍ, ຫວັງວ່າຈະຈັດການແຂ່ງຂັນເຕະບານໂລກແບບສີຂຽວຄັ້ງທຳອິດ.
ກາຕາ ໃຫ້ຄວາມສຳຄັນ ທີ່ສຸດ ນຳບັນຫາ ກ່ຽວກັບ ການນຳໃຊ້ ສະໜາມກິລາ ຫລັງຈາກ ຈັດການແຂ່ງຂັນ ເຕະບານໂລກ. ໃນນັ້ນ, ສະໜາມກິລາ 974 ແມ່ນ “ສະໜາມກິລາ ແບບສີຂຽວ” ທີ່ມ້າງອອກໄດ້, ຍົກຍ້າຍໄດ້ ແລະ ນຳໃຊ້ຄືນໃໝ່ໄດ້ ແຫ່ງທຳອິດ ໃນປະ ຫວັດສາດ ຂອງການແຂ່ງຂັນ ເຕະບານໂລກ.ໃນດ້ານຄົມມະນາຄົມ, ກາຕາ ສົ່ງເສີມໃຫ້ປະຊາຊົນ ແລະ ແຟນບານທັງຫລາຍຂີ່ຍານພາຫະນະສາທາລະນະໃນໄລຍະຈັດການແຂ່ງຂັນ ແລະ ໄດ້ຈັດໜ່ວຍລົດພະລັງງານໃໝ່ ທີ່ປະກອບດ້ວຍລົດເມພະລັງງານໄຟຟ້າ 700 ກວ່າຄັນ ເພື່ອຮັບສົ່ງຮັບແຟນບານຢ່າງຫລວງຫລາຍກວມເອົາ 1/4 ຂອງລົດຮັບໃຊ້ການແຂ່ງຂັນເຕະບານຄັ້ງນີ້.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ ສະໄຫວ ລາດປາກດີ
