ຕອນເຊົ້າວັນທີ່ 10 ສິງຫາ 2022 ນີ້ ທ່ານ ວັນໄຊ ແພງຊຸມມາ ເຈົ້າແຂວງຫົວພັນ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມ , ໂອ້ລົມພະນັກງານຫຼັກແຫຼ່ງ, ກໍາລັງປ້ອງກັນຊາດ, ປ້ອງກັນຄວາມສະຫງົບ ຢູ່ທີ່ສະໂມສອນ ເມືອງວຽງໄຊ, ເຊີ່ງກ່ອນອື່ນໄດ້ຮັບຟັງການລາຍງານສະພາບລວມແຜນການພັດທະນາເສດຖະກິດ-ສັງຄົມ, ວຽກງານປກສ-ປກຊ ແລະ ວຽກງານປິ່ນອ້ອມພາຍໃນເມືອງທີ່ໄດ້ຈັດຕັ້ງປະຕິບັດໃນໄລຍະຜ່ານມາໃຫ້ຄະນະໄດ້ຮັບຮູ້, ໂດຍມີຄະນະປະຈໍາ, ກໍາມະການພັກເມືອງ, ກໍາລັງປ້ອງກັນຊາດ, ປ້ອງກັັນຄວາມສະຫງົບ, ພະນັກງານລັດຖະກອນ, ນາຍບ້ານຮອງນາຍບ້ານອ້ອມຂ້າງເມືອງເຂົ້າຮ່ວມ.
ທ່ານເຈົ້າແຂວງເວົ້າວ່າ: ເພື່ອເຮັດໃຫ້ການຈັດຕັ້ງປະຕິບັດແຜນວຽກຈຸດສຸມ ບັນລຸຕາມຄາດໝາຍທີ່ວາງໄວ້: ເປັນຕົ້ນແມ່ນ: ແຜນພັດທະນາເສດຖະກິດສັງຄົມ ແລະ ການຈັດຕັ້ງປະຕິບັດ2 ວາລະແຫ່ງຊາດໃນປີ 2022 ແລະ ຕໍ່ໜ້າໃຫ້ປະສົບຜົນສໍາເລັດ ຕ້ອງໄດ້ສືບຕໍ່ກໍາແໜ້ນທັດສະນະພື້ນຖານທີ່ມະຕິກອງປະຊຸມໃຫ່ຍ ຄັ້ງທີ່ 10 ຂອງອົງຄະນະພັກແຂວງກໍ່ຄືແຜນພັດທະນາເສດຖະກິດ-ສັງຄົມ 5 ປີຄັ້ງທີ 9 ຂອງແຂວງທີ່ໄດ້ກໍານົດໄວ້, ທຸກພາກສວ່ນທີ່ກ່ຽວຂ້ອງ, ອົງການປົກຄອງທ້ອງຖີ່ນທຸກຂັ້ນຕ້ອງສືບຕໍ່ຈັດຕັ້ງຜັັນຂະຫຍາຍ ແລະ ຈັດຕັ້ງປະຕິບັດວຽກງານສາມສ້າງ, ຕິດພັນກັນວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານຢູ່ໃນຂົງເຂດຕົນຮັບຜິດຊອບ ໃຫ້ມີປະສິດທິຜົນສູງກວ່າເກົ່າ, ກໍານົດແຜນວຽກຂອງຕົນໃຫ້ລະອຽດ, ສົ່ງພະນັກງານວິຊາການລົງຕິດຕາມຊຸກຍູ້ ແລະ ສົ່ງເສີມການປູກ, ການລ້ຽງ ແລະ ການຜະລິດເປັນສິນຄ້າໃຫ້ຫຼາຍຂື້ນ, ເພື່ອປັບປຸງຊິວິດການເປັນຢູ່ຂອງປະຊາຊົນບັນດາເຜົ່າໃຫ້ນັບມື້ດີຂື້ນກວ່າເກົ່າ.
ທ່ານເຈົ້າແຂວງຫົວພັນ ຍັງໄດ້ເໜັ້ນໜັກໃຫ້ກໍາລັງປ້ອງກັນຊາດ-ປ້ອງກັນຄວາມສະຫງົບ, ກໍາລັງປະກອບອາວຸດຕອ້ງເອົາໃຈໃສ່ 8 ບັນຫາທີ່ສໍາຄັນ, ເພາະກໍາລັງ ປກສ-ປກຊ ເປັນວຽກງານທີ່ຕ້ອງປະເຊີນໜ້າໂດຍກົງຕໍ່ການພົວພັນຂອງທຸກຊັ້ນຄົນໃນສັງຄົມ ຕ້ອງໄດ້ປະຕິບັດໜ້າທີ່ຕະຫຼອດ 24 ຊົ່ວໂມງສະນັ້ນຈະຕ້ອງໄດ້ສືກສາອົມຮົມການເມືອງແນວຄິດໃຫ້ແກ່ພະນັກງານນັກຮົບ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດເຂົ້າໃຈເລິກເຊີ່ງ, ເອົາໃຈໃສ່ເຊື່ອມຊື່ມກໍາແໜ້ນ ມະຕິວ່າດ້ວຍ 4 ໜ້າທີ່ໃຫ່ຍ, 26 ແຜນງານ ຂອງກະຊວງປ້ອງກັນປະເທດວາງອອກ, ປັບປຸງກໍ່ສ້າງກໍາລັງໃຫ້ເຂັ້ມແຂງໃນທຸກດ້ານ,ເອົາໃຈໃສ່ສືກສາອົບຮົມໃຫ້ນາຍ ແລະ ພົ້ນທະຫານ, ນາຍ ແລະ ພົນຕໍາຫຼວດ ຕ້ອງກໍາແໜ້ນ ແລະ ປະຕິບັດທິດນໍາ ( ເພິ່ງຕົນເອງ, ກຸ້ມຕົນເອງ, ແລະ ສ້າງຄວາມເຂັ້ມແຂງດ້ວຍຕົນເອງ ) ຕ້ອງເປັນເຈົ້າການເອົາໃຈໃສ່ປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ສືບຕໍ່ປະຕິບັດແນວທາງການຕ່າງປະເທດຂອງພັກ ໂດຍສຸມໃສ່ ການພົວພັນຮ່ວມມືກັບກໍາລັງປະກອບອາວຸດ, ເອົາໃຈໃສ່ເພີ່ມຄວາມສາມັກຄີພາຍໃນ ພາຍນອກໃຫ້ມີຄວາມໜັກແໜ້ນ, ພະນັກງານ-ນັກຮົບ ຕ້ອງມີຄວາມອຸ່ນອ່ຽນທຸນທ່ຽງ ແລະ ເອົາໃຈໃສ່ປະຕິບັດນະໂຍບາຍດ້ານຕ່າງໆຕໍ່ພະນັກງານນັກຮົບຂອງຕົນຕາມຄວາມສາມາດແລະຄວາມເໝາະສົມ.
………………………………………..
ຂ່າວ-ພາບ: ນ. ວັນແສງ ສີວອນ
