ກົມອຸຕຸນິຍົມ ແລະ ອຸທົກກະສາດ ໄດ້ລາຍງານສະພາບການເກີດ ແຜ່ນດິນໄຫວ ຈາກສູນຂ່າວສານແຜ່ນດິນໄຫວແຫ່ງຊາດ ຄັ້ງວັນທີ 07 ສິງຫາ 2022 ໃນເວລາ 06:55 ໂມງ ໄດ້ພົບສັນຍານການເກີດແຜ່ນດິນໄຫວ ພາຍໃນປະເທດລາວ ຈໍານວນ 01 ຄັ້ງ ໃນບໍລິເວນເມືອງຫົງສາ ແຂວງ ໄຊຍະບູລີ ມີຈຸດສູນກາງຢູ່ເສັ້ນຂະໜານທີ 19.55 ອົງສາເໜືອ ແລະ ເສັ້ນແວງທີ 101.325 ອົງສາຕາເວັນອອກ ດ້ວຍຄວາມແຮງສັ່ນສະເທືອນ ວັດແທກໄດ້ 2.8 ຣີກເຕີ ເຊິ່ງມີຄວາມເລິກຈາກເທິງໜ້າດິນປະມານ 1 ກິໂລແມັດ ຈຸດສູນກາງເກີດແຜ່ນດິນໄຫວແມ່ນເຂດທິດໃຕ້ ບ້ານນໍ້າສິບ ເມືອງຫົງສາ ຫ່າງຈາກໝູ່ບ້ານ 3.5 ກິໂລແມັດ ແລະ ຫ່າງຈາກເທສະບານ ເມືອງເງິນ 17 ກິໂລແມັດ.
ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.
