ຕາມຂ່າວຈາກ ປາກິດສະຖານ,ວັນທີ29 ກໍລະກົດນີ້, ປາກິດສະຖານ ຜະເຊີນກັບ ນ້ຳຖ້ວມ ຄັ້ງໃຫຍ່ ເຮັດໃຫ້ມີ ຜູ້ເສຍຊີວິດ 106ຄົນ ແລະ ບາດເຈັບ 62ຄົນ ເນື່ອງຈາກ ຝົນຕົກໜັກ ເກືອບທົ່ວ ທຸກພາກ ຂອງປະເທດ ຢ່າງຕໍ່ເນື່ອງ ໂດຍສະເພາະ ແຂວງບາລູຈິສຖານ ທາງຕາເວັນຕົກ ສ່ຽງໃຕ້ ເຮັດໃຫ້ເຮືອນ ປະຊາຊົນ ຈົມຢູ່ໃຕ້ນ້ຳ ຫລາຍຫລັງ ລວມທັງ ລະບົບ ພື້ນຖານ ໂຄງລ່າງ ໄດ້ຮັບ ຄວາມເສຍຫາຍ ເປັນບໍລິເວນກວ້າງ.
ປັດຈຸບັນ ເຈົ້າໜ້າທີກູ້ໄພ ປາກິດສະຖານ ພວມນຳອາຫານ ແລະ ເຄື່ອງໃຊ້ ທີ່ຈຳເປັນ ໄປຊ່ວຍເຫລືອ ຜູ້ໄດ້ຮັບຜົນກະທົບ ຈາກໄພພິບັດ ທາງທຳມະຊາດ ໃນຄັ້ງນີ້ ຢ່າງຮີບດ່ວນ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
