ຕາມຂ່າວຈາກ ແຕນອາວີບ, ວັນທີ18 ກໍລະກົດ, ອິດສະຣາແອນ ຍິນດີທີ່ ອາຣັບບີ ຊາອຸດິດ ເປີດນ່ານຟ້າ ຊຶ່ງຈະຊ່ວຍ ຫລຸດເວລາ ການເດີນທາງ ປະມານ 2ຊົ່ວໂມງ ສູ່ຈຸດໝາຍ ສຳຄັນ ຫລາຍແຫ່ງ ໃນອາຊີ ໂດຍສະເພາະ ອິນເດຍ ແລະ ໄທ ຫລັງຈາກ ກ່ອນໜ້ານີ້ ຕ້ອງບິນລົງໃຕ້ ອ້ອມຜ່ານ ທະເລແດງ. ນອກຈາກນີ້ ຍັງມີແຜນ ເປີດຈຸດໝາຍ ປາຍທາງໃໝ່ ລະຫວ່າງ ອິດສະຣາແອນ ກັບ ສີລັງກາ, ຍີ່ປຸ່ນ ແລະ ອົດສະຕຣາລີ. ສ່ວນກະຊວງ ການທ່ອງທ່ຽວ ຂອງອິດສະຣາແອນ ຄາດການວ່າ: ການບິນຜ່ານ ອາຣັບບີ ຊາອຸດິດ ຈະຊ່ວຍໃຫ້ລາຄາປີ້ ຜູ້ໂດຍສານ ຫລຸດລົງ20% ເພື່ອດຶງດູດ ນັກທ່ອງທ່ຽວ ຫລາຍຂຶ້ນ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
